影片
更多
2022-12-07
899 瀏覽
哈日族已經飛完一轉日本返黎，有手信比我，相約呢度開餐兼交收點解去呢間? 睇下店內裝飾咁似當地嘅居酒屋就知道佢哈日程度已經去到頂級牆上掛上新菜式，配合居酒屋主題是誰發明了一夜干?! 令人食過一次就掛住。睇下呢度嘅北海道花魚一夜干 ($88)，燒得顏色多誘人有蘿蔔茸醋汁點食，或者少少鮮檸汁提鮮。魚肉無咩細骨，入口帶少少咸香味道，係"偷飯賊"呀。魚皮帶少少脆位，點可以錯過。呢杯鮮檸檬燒酎梳打 ($48)，外型未飲先嬴，成廿片檸檬雪凍直放係杯內，飲落有香醇威士忌味，又有梳打水嘅爽口感，微醺感覺好好FEEL。呢客和風蕃茄沙律 ($48)，份量與價錢唔係幾成正比 (哈哈哈)。雖然材料簡單又唔駛煮，但欣賞佢擺盤心思，將蕃茄舖成花型，底部有爽口沙律菜，再淋上醋汁，清新開胃。趁天氣仲係清涼，又係食鍋物嘅好時機，多款鍋物中，今晚食澳牛.................M7澳洲和牛壽喜燒 ($238)配野菜豆腐鍋，內裏有鮮冬菇，豆腐，金菇，旺菜及冬粉條選取部位係牛肩胛，肉質特別結實、細嫩，帶點脂肪位，肉味都幾出，係做鍋物上佳之選。壽喜燒鍋追加食品之...................南國元氣鷄 ($9
點解去呢間? 睇下店內裝飾咁似當地嘅居酒屋就知道佢哈日程度已經去到頂級
牆上掛上新菜式，配合居酒屋主題
是誰發明了一夜干?! 令人食過一次就掛住。睇下呢度嘅北海道花魚一夜干 ($88)，燒得顏色多誘人
有蘿蔔茸醋汁點食，或者少少鮮檸汁提鮮。魚肉無咩細骨，入口帶少少咸香味道，係"偷飯賊"呀。魚皮帶少少脆位，點可以錯過。
呢杯鮮檸檬燒酎梳打 ($48)，外型未飲先嬴，成廿片檸檬雪凍直放係杯內，飲落有香醇威士忌味，又有梳打水嘅爽口感，微醺感覺好好FEEL。
呢客和風蕃茄沙律 ($48)，份量與價錢唔係幾成正比 (哈哈哈)。雖然材料簡單又唔駛煮，但欣賞佢擺盤心思，將蕃茄舖成花型，底部有爽口沙律菜，再淋上醋汁，清新開胃。
趁天氣仲係清涼，又係食鍋物嘅好時機，多款鍋物中，今晚食澳牛.................M7澳洲和牛壽喜燒 ($238)
配野菜豆腐鍋，內裏有鮮冬菇，豆腐，金菇，旺菜及冬粉條
選取部位係牛肩胛，肉質特別結實、細嫩，帶點脂肪位，肉味都幾出，係做鍋物上佳之選。
壽喜燒鍋追加食品之...................南國元氣鷄 ($98)
啖啖肉，與壽喜燒汁都夾，肉質彈牙，一啖一件岩岩好。
每次有客入來就擊鼓，幾有氣氛，就當自己飛咗去日本食個晚餐就返香港。
張貼
