酒肉·朋友 (已結業)

港島區好少好味嘅日本菜，所以通常都會周圍發掘一下又平又抵食嘅日本菜，唔係話要有茶餐廳嘅價錢，但係希望可以係普通西餐價錢，但係做到高質素嘅日本菜，呢間就合乎我嘅預算。和風蒜子番茄沙律＄42蕃茄沙律酸酸地好開胃，估唔到配搭蒜子都做到清新的味道。喜之次一夜干$128因為喜知次係好高級嘅深海魚，通常都要做一夜干（即係用非最新鮮嘅魚，所以就要用煎或其他乾煮嘅方法）啲魚肉依然好甜，加埋個甜甜地嘅醬汁簡直一流，仲可以食到個表皮有好香嘅煎味，質感不錯。薄燒牛舌＄28調味做得不錯，咬下去爽口彈牙，香味十足。鹽燒牛肉＄28牛肉就比起牛舌大件一啲，質感比較軟熟，很有鹹香。蘆筍豚肉卷＄20蘆筍配搭豚肉，能夠中和咸氣，而且做到爽口清新的味道。雞翼＄25 要左兩串個外皮最好就係整得有啲脆，咬起嚟好有口感但係同時裏面都唔會太過Dry，好多肉。芝麻雞肉串＄20雞肉本身已經好林同埋好滑，加埋啲芝麻就更香，同埋個汁好濃郁。鹽麴帶子$38雖然大大件好抵食，不過鹽調味未算得上好食，我會比較喜歡吃原汁原味的帶子刺身。