燒洒一族 (南昌薈街市)

營業中

休息中

今日老婆話要簡單煮個飯，灼碟菜🥬再斬料加餸，於是放工去南昌街市嘅瀟洒一族，買老婆同阿仔最愛嘅酒醉燻蹄及燒腩仔🥰。去到竟然發現有新品🫢。酒醉及麻辣系列仲可任選2️⃣款減$5，於是我買咗3️⃣款麻辣及1️⃣款酒醉已經減咗$10，真係抵食😍。麻辣鴨舌 $88鴨舌口感柔糯，吃起來有一股韌勁😋，麻辣味香🌶，滋味十足，阿仔最愛😍。麻辣牛展 $55牛展肉質比較結實，味道鮮美有牛味🐂，吸收咗麻辣汁，更加惹味好食😋。麻辣金錢肚 $55金錢肚煮得軟腍，但質感有彈性，浸過麻辣後，令味道更鮮香，越食越想食😆，好食到停唔到口😋。酒醉燻蹄 $45花雕酒味🥃香濃，燻蹄醃得入味，外皮爽身脆口，肉質軟腍帶肉香，依舊保持出色💯。總括而言，價錢依舊親民，除咗「酒醉」糸列係必試之選外，新嘅「麻辣」糸列更加係非試不可，夠麻夠辣。「燒洒一族」分佈九龍、新界唔同嘅街市入面，斬料加餸都非常方便。