點心廊 (已結業)

上星期約左長輩每月一聚, 打算搵啲特別嘢俾佢哋試，但又要就佢地的口味。故此，就搵左旺角雅蘭中心的「點心廊」，地點方便到大家，最重要係菜式有賣點，傳統得黎又別緻。 -- - 餐廳空間算得上寬敞，雖然樓底唔算高，但裝潢時尚摩登，走年輕路線，都令到用餐環境舒適。 此外，餐具都睇得出有用心揀過，黑碗黑碟釀金線，甚有高檔的感覺。 - 桂花烏龍茶 這裡不只有平常屋村酒樓普普通通的茶款, 最重要是有更高級的可以選擇, 可以讓長輩試試不同的口味。桂花烏龍茶, 桂花清香怡神，烏龍茶滑順回甘，兩者相配，香氣濃郁, 長輩都讚不絕口。  - 大紅袍九肚魚 這裡所指的大紅袍唔係茶葉, 而係一種花椒。只有品質夠好、香氣足夠的花椒才會稱得上大紅袍。以大紅袍製作的九肚魚, 首先是香氣逼人, 魚肉本身超鲜，超滑, 成條連骨食無難到。最重要係花椒的麻味、後勁都比較和緩，絕對適合長輩想過癮但又怕太辣。 -  - - -秘製山楂咕嚕肉 咕嚕肉食得出是以新鮮豬肉製成, 即叫即上粉炸, 粒粒都外脆內Juicy, 肉質爽彈不霉, 醬汁以山楂製成，入口醇和不會確喉，新鮮菠蘿，整體黎講火喉和