Gontran Cherrier (Restaurant) (已結業)

係K11 musea行完街又想食啲，當下午茶輕食，咁就落左food court個層睇下有咩食。見到呢間麵包店大排長龍，就去睇下賣咩包啦。呢到都有好多選擇，以酥皮麵包為主，大多都係賣相好精緻，好多種款式，好多種口味。除此之外，都有少量普通嘅麵包選購。最後揀左兩個麵包試下，一個係士多啤梨酥，另一個係類似丹麥酥，買完職員都有分開袋仔幫我裝好。酥皮都做得幾有層次，食落幾薄、幾香脆。呢啲都幾考功夫！價錢貴但都值得一試！