Cafe 360 (已結業)

我叫左個芝士魚柳飯。可能係因為用個好熱嘅鑊仔上菜，導致飯比較乾，好彩茄汁夠多，可以撈飯。塊魚柳都幾大塊，個皮食落微脆。個飯側邊仲有d瓜同蕃茄，魚柳上面灑左d芝士，可以拉絲。再黎係酥皮湯，個魚柳飯唔包酥皮湯，只包飲品，要另外加配。個酥皮湯係最先上枱，酥皮好脆，焗到金黃色，可以聞到奶油嘅香味。忌廉湯幾濃，都算足料。個湯真係好熱，要等一陣先飲到。最後，紅豆冰唔算大杯，味道正常。不過佢俾嘅吸管太幼，有時d紅豆會卡住條吸管。