影片
更多
2014-02-05
818 瀏覽
當日叫了糯米雞, 酥皮焗叉燒包, 鮮竹卷, 發財好市粥 及 魚肉虎皮尖椒. 魚肉虎皮尖椒及鮮竹卷無特別, 發財好市粥無咩料, 隻糯米雞就好少少. 但一食到個酥皮焗叉燒包真係火都黎, 點解咁咸, 咸到好似錯手落多咗鹽咁咸, 仲要3個都係一樣咁咸…….勁火!!! 我剛坐低既時候見到有枱食客食盛一個酥皮焗叉燒包唔要, 我明點解啦! 好多年前在旺角食酥皮焗叉燒包係好味, 但點解而家變成咁, 好失望!!!! D茶唔熱, 佢係用D茶膽加熱水, 所以D茶唔係咁好飲. 不過茶位$3 都平既.
題外話/補充資料：
有一個食客佢攞一人位, 後來佢被安排搭枱, 一坐低茶都未開就話而家有多個人要多個位. 咁都得!!! 我地2個人都要等成30分鐘啦...... 佢咁樣咁無懶就咁快有2個位, 真係有無攪錯.
(以上食評乃用戶個人意見 , 並不代表OpenRice之觀點。)
張貼