影片
更多
2023-01-12
74 瀏覽
🌟餐廳：人和月📍地址：尖沙咀海防道38-40號中達大廈3樓💰價位：～$200 - $400⏰營業時間：星期一至日 12:00 – 00:00📱電話：3996 9143最近天氣又開始凍返，又係時候食返D 暖笠笠既野~雞煲+打邊爐呢個組合簡直一流！趁今日係尖沙咀收工，約埋朋友仔去試下呢間「人和月」，暖下身先~餐廳位於尖沙咀海防道，係尖沙咀返工或者行街既必經之路，夠哂就腳~———————————————————我地今次就揀左佢地既火鍋120分鐘放題C餐 - 澳洲M4和牛海鮮大滿貫，一個價錢就可以食哂以下咁多樣野，性價比超高~🌟頭盤: 原創酥皮麻辣芝士雞煲- 呢個酥皮麻辣芝士雞煲夠哂有新意，店員會幫手切開酥皮，協助撈埋入邊爆多拉絲既芝士及雞肉，岩哂鍾意打卡既我地~酥皮索哂濃郁既芝士同雞肉既精華，夠哂邪惡同惹味~雞肉亦好有驚喜！肉質好嫩滑而且配料充足~呢個頭盤大推！！🌟火鍋: 鮮茄粟米甘荀濃湯- 食完個雞煲，店員仲會換上另一鍋火鍋湯底，呢個安排夠哂貼心~呢個鮮茄粟米甘荀濃湯材料充足，味道幾清新健康，唔會好油膩~🌟海鮮盤(一份): 鮑魚，龍躉片，扇貝，海蝦，沙白，青口- 一大盤既海鮮盛合~我就最鍾
📍地址：尖沙咀海防道38-40號中達大廈3樓
💰價位：～$200 - $400
⏰營業時間：星期一至日 12:00 – 00:00
📱電話：3996 9143
最近天氣又開始凍返，又係時候食返D 暖笠笠既野~雞煲+打邊爐呢個組合簡直一流！
趁今日係尖沙咀收工，約埋朋友仔去試下呢間「人和月」，暖下身先~
餐廳位於尖沙咀海防道，係尖沙咀返工或者行街既必經之路，夠哂就腳~
———————————————————
我地今次就揀左佢地既火鍋120分鐘放題C餐 - 澳洲M4和牛海鮮大滿貫，一個價錢就可以食哂以下咁多樣野，性價比超高~
🌟頭盤: 原創酥皮麻辣芝士雞煲
- 呢個酥皮麻辣芝士雞煲夠哂有新意，店員會幫手切開酥皮，協助撈埋入邊爆多拉絲既芝士及雞肉，岩哂鍾意打卡既我地~酥皮索哂濃郁既芝士同雞肉既精華，夠哂邪惡同惹味~雞肉亦好有驚喜！肉質好嫩滑而且配料充足~呢個頭盤大推！！
🌟火鍋: 鮮茄粟米甘荀濃湯
- 食完個雞煲，店員仲會換上另一鍋火鍋湯底，呢個安排夠哂貼心~
呢個鮮茄粟米甘荀濃湯材料充足，味道幾清新健康，唔會好油膩~
🌟海鮮盤(一份): 鮑魚，龍躉片，扇貝，海蝦，沙白，青口
- 一大盤既海鮮盛合~
我就最鍾意海蝦，大大隻之餘肉質仲好爽彈~而家黎仲有期間限定既龍躉片，大大塊又厚身，用黎打邊爐，啖啖肉，正~
🌟美國牛肉大滿貫(一份): 有齊澳洲M4和牛，手切美國封門柳，極上安格斯牛小排，美國牛下肩，牛胸爽，牛板鍵，金錢𦟌，雪花肥牛
- 呢個牛肉大滿貫都係推介位！！各式牛肉部位都有提供~
我地最鍾意澳洲M4和牛同金錢𦟌~M4和牛油脂分佈均勻，入口牛脂感豐富~而金錢𦟌肉質夠爽好鮮嫩，牛味最濃郁~
🌟40多款火鍋配料自助供應 或以QR Code 落單
- 餐廳仲提供各款蔬菜、丸類，可到自助區自取或經QR Code 落單~
我就最鍾意佢地既韮菜餃同埋蔬菜~韮菜餃餡料豐富而且啖啖肉~
蔬菜方面有皇帝菜，西洋菜，娃娃菜等，各款都好新鮮又大棵，岩哂鍾意食菜既我~
🌟小食，飲品，甜品及醬料自助區
- 自助區提供一d小食例如燒賣、蘿白牛腩等餐前小食，夠哂多元化~
飲品方面則有無糖茶及汽水選擇~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳地點實在太方便，岩哂行完街或者收工既朋友仔約埋黎聚一聚！
食物方面，一個價錢就可以食盡雞煲及火鍋，而且酥皮麻辣芝士雞煲真係好有特色，又好味又啱晒打卡～值得一讚係店員好親切好有禮貌，亦提供圍裙方便進食，真心推介~
張貼
