人和月雞煲火鍋店 (已結業)

老公想食雞煲，所以我哋特登訂枱食酥皮麻辣芝士雞煲。估唔到6點鬆少少已經幾乎滿座🫣。✨Set C 澳洲M4和牛海鮮大滿貫 $398/位酥皮麻辣芝士雞煲 二人份+$58是日入座送芝士焗大蝦🍤。彈牙鮮味超滿足🤤。雞煲上枱後，店員會幫手打開酥皮同炒一炒雞肉。雞肉辣得嚟又香又麻🤤🌶️，肉質嫩滑，加埋🧀芝士味道層次更豐富。酥皮唔止打卡靚，本身牛油香重，蘸雞煲醬好惹味。食完雞煲就可以揀一款邊爐湯底。我哋揀咗野菌冬瓜湯，貪佢比較清淡。每枱有牛肉大滿貫同🦐海鮮盤各一。澳洲M4和牛肉質軟嫩細緻，安格斯牛小排肉味好濃郁。拼盤仲包括比較少見嘅牛胸爽。海鮮盤🦐嘅質素好高。鮑魚大隻彈牙，帆立貝好鮮甜。湯底淥完海鮮會更加甜。自助區嘅食物質素都唔錯。蔬菜比一般放題店新鮮，丸類都唔係平時食到嘅平價來貨。其實仲有得掃QR code落單，有唔少肉類、丸類、餃類。不過我哋飽到只係試到墨魚滑，粒粒墨魚肉好足料🤤。最後仲有任食嘅芋圓、仙草、杯裝雪糕。🌟120分鐘放題夠晒食。兩個人都食到超級飽。