酷啡 (已改名) 查看

夏天又是chok墨魚的季節，一場來到好日都不來的西貢當然要睇下有乜好嘢食。走進大街小巷，見到都有好多不同有特色的小店，有的已經街知巷聞排長龍，反而在轉角有一家裝璜幾特別，好年青的小cafe！價錢都算抵，最啱我地呢班後生仔啦！韓式龍蝦意粉 ($98)這個是有驚喜的一個意粉，龍蝦肉拆左切粒，同意粉都好彈牙，淡淡的蒜味，再加上香辣，令人有一食再食的感覺！芝士焗西蘭花 ($48)即焗呢個點已經見到心機，絕不欺場，份量中等吧始終都係小食。不過西蘭花出左好多水，個人覺得不夠濃味，如果再creamy D就好了。牛油藍青口 ($68)牛油加蒜蓉一直都是最佳拍擋，少量海水咸香，再加入新鮮的藍青口，啖啖肉簡直無得輸。菠蘿芝士蛋糕 ($32)自家製的菠蘿果醬十分鮮甜，好有食緊真菠蘿的感覺！小店自家製的還有藍梅果醬，味道也很天然，加上芝士蛋糕十分rich又不會太甜，正！而價錢仲十分親民！牛油焗田螺 ($68)想不到在小小的cafe吃到高質的田螺，加上炒香的蒜蓉同檻欖油真係一流的配搭，每份新鮮焗起，好食，拍得住大餐廳！和朋友消磨了一個休閒的下午，吃飽飽去chok墨魚嚕！可以同朋友嘆個高質的下午茶係一流嘅！