我是酸奶君 (已結業)

每次飲完茶飲店既珍珠奶茶、黑糖珍珠.......etc都會有一種濃濃罪惡感!雖然好好飲但好易肥Ｑ＿Ｑ所以出街都要刻制自己唔好飲咁多。而呢排熱潮又吹左去偏有益既酸奶飲品，就係「我是酸奶君」乳酸有助腸道健康，部份產品更配搭紫米，即時令成件事健康左！行街經過就同家姐一人嗌一杯，嗌左較人氣既吃米酸奶同芒芒果海，吃米酸奶，乳酪既酸甜度適中，質感帶點濃稠，加上紫米既顆粒感，提升整杯口感，而且飲完會有飽腹感，所以食飯前唔好飲咁大杯酸奶～而芒芒果海，味道較fresh，帶芒果果香，酸奶同芒果溶合得幾好，不過新鮮水果係品質上始終會有唔同，所以味道亦唔會杯杯一樣。