廚十三老壇酸菜魚 (太子集團中心) (已結業)

好耐好耐冇食過酸菜魚啦！呢到地理位置都幾方便，行完街上黎食好方便！呢到好貼心，會比埋口罩袋你！因為有4個人食，叫左個土豪老壇酸菜魚，仲加左寛粉、豆卜。豆卜吸曬湯汁，好夠味！寛粉都好煙韌。酸菜夠酸，而且每一塊魚都好大塊，好足料。呢度啲雨都冇乜骨所以食落好方便，又唔驚會哽親。就連平時唔食魚嘅朋友，都話好好味。魚塊都好滑。因為我哋都唔太食得辣，所以叫咗小辣，食落啱啱好，唔會太辣，而且有少少辣味，好過癮！小食方面，叫咗個上上籤，本身以為係凍食，但原來係暖暖地的，入邊有蓮藕、萵筍、鵪鶉蛋、鳳爪、椰菜花等等。仲叫咗個酥炸毛面藍，個名好搞笑，原來係炸豬肉絲，仲配上少少辣椒粉，食落好脆口。甜品最後就叫咗雨露均沾，完滿結束。