廚十三老壇酸菜魚 (太子集團中心) (已結業)

同友人諗唔到食咩既時候，酸菜魚就係我地既不二之選😆晚市去店內都唔會好多人，可以慢慢坐低享用同傾計(⁎⁍̴̛ᴗ⁍̴̛⁎)3個女仔例牌都叫左大份既酸菜魚，份量十足，一定夠食👍🏻除左原有既豆腐、金針菇，我地仲加點左必叫既寬粉同白飯，寬粉既質地軟糯，可以吸收魚湯同酸菜既湯汁，令到每一口都係濃郁既風味，結合左酸、辣、香既元素🤤除左增添口感上既變化，亦更有飽足感❤️至於重頭戲酸菜魚既魚肉，質地鮮嫩多汁，混合酸菜同香料既香氣，吸收左湯汁既鮮味，令人食指大動～如果都鐘意酸辣風味既朋友，咁依間酸菜魚都值得一試😚

呢個午餐一人份嘅酸菜魚米線我覺得係香港黎講算係幾出色，酸同辣平均，魚夠滑夠多！最👍🏻 係佢個煙靭彈口嘅米線，但價錢偏貴，加一之後差唔多$100。不過環境唔錯，望到海同座位寬敞👍🏻

之前我食過两三次， 就因為覺得佢唔錯， 先再去食但昨日點返個至尊板， 哇， 有條魚有一條魚明顯係唔新鮮再用鹽醃過， 好明顯食得出， 仲有啲豆腐係有酸味， 所以成盤魚真心唔得佢原本個湯唔濃係想食到魚既鮮味， 而家反而鮮味就無啦， 「酸」味就齊曬 但係個夫妻肺片係可以既， 加分既， 但補救唔到條魚減既分甘個泡椒雞腳， 佢個藥膳味重咗啲， 唔算太出色， 但又唔算太差仲有個涼拌土豆絲， 真係一般， 完全食唔到佢係咩味道， 所以連評佢都無謂經過昨日， 唔會再去

呢個午餐一人份嘅酸菜魚米線我覺得係香港黎講算係幾出色，酸同辣平均，魚夠滑夠多！最👍🏻 係佢個煙靭彈口嘅米線，但價錢偏貴，加一之後差唔多$100。不過環境唔錯，望到海同座位寬敞👍🏻

好耐冇食酸菜魚，每次我都會搵唔同舖頭食，今次揀左廚十三尖沙嘴分店，一上到去被安排到海景檯跟著2人落單細份酸菜魚➕萵筍片，另外仲加左豬手。酸菜魚上台其實都好大份，第一啖當然係飲湯先，酸酸辣辣，口味適中，即刻撈左幾啖飯，魚肉好緊實嫩滑，好新鮮既魚味，入面仲配有粉絲，豆腐，金針菇，其實都夠3人份。而豬手睇落冇咩色，撈埋啲醬汁都好惹味，不過有少少辣整體黎講，從食物、環境、服務都好好，但係去既時候晚市時段都比較少人，可能開關後鍾意食酸菜魚既人都會番番深圳食，希望都可以多多支持本地食肆

某日係尖沙咀上堂，放lunch break 期間上左去食酸菜魚，實在係太想念酸菜魚既味道，就算時間唔夠都一個人上左去食🤣🤣點左一客午市套餐，點既係中辣既酸菜魚連飯+一杯野飲上到枱見份量頗大，色香俱全，不過入口個下都係有啲失望，酸、辣、咸等等既味道都做得唔夠好，呢碗酸菜魚既味道都相對淡味，偏偏酸菜魚應該係味道濃郁多一點，而且魚片都唔太入味。唯一好處係魚肉片夠多，而且酸菜清脆好嚼，飯都比較濕潤好味，最後飲罐可樂倨下。結論係，酸菜魚唔洗係到食 😇😇

朋友生日🎂找咗間上樓靜靜嘅地方食川菜，大家都係為咗想食酸菜魚慕名而來，等食期間先來一壺茶1️⃣泡椒鳳爪～辣度麻痹，食唔到味道，啲雞腳好瘦2️⃣酥炸無臉男～一小雞粒粒炸乾身脆口，沾辣粉食呢個小食唔錯3️⃣老虎椒愛松花蛋食到好懷疑人生，一點都不愛，完全食唔到咩口味4️⃣老壇酸菜魚(大份)呢個要讚好食， 配埋寬粉、萵筍片，鮮腐竹，嫩滑魚薄薄一片，師傅刀工了得5️⃣大油條～炸得剛好，香脆厚身6️⃣四川回鍋肉～炒得幾有鑊氣，唔錯7️⃣雨露均沾～呢個甜品係炸糯米條，沾上黑糖煙煙韌韌糯米軟口感幾特別整體上外觀擺放不錯，但朋友們感對某些菜式味道唔夾，食唔到川菜嘅水準，稍為失望

途經尖沙咀揾食，老友話想食酸菜魚，结果來咗厨十三老壇酸菜魚。入到去，嘩有居然有海景，環境一流，地方整潔老友話肚餓馬上點餐，3個人點了大份酸菜魚，服務員推介酥肉，麻辣砵砵雞。上菜速度甚快，十五分鐘左右已全部到齊酸菜魚果然大份，少辣感覺啱啱好，味道香濃酥肉配啤酒一流，停不了口，麻辣砵砵雞夠麻夠味，下次再試其他川菜，最後埋單平均两佰零蚊，绝對超值，會推介朋友重臨

太耐冇返大陸，好耐冇食國內名菜，酸菜魚。而聽到其他人介紹，呢間廚十三老壇酸菜魚最接近國內太二酸菜魚既味道，所以就走去試食一下。首先講講個酸菜魚，叫左個大size，份量好足夠，無論係魚肉還是配料都好多，味道就酸辣合適，岩新手食。配菜既寬粉都好有咬口，好入味。呢個係一個套餐黎，仲有另外兩味餸，其中一碟係咕嚕肉，咕嚕肉既牆汁酸酸甜甜好開胃，仲有d咕嚕內唔會話只係得炸粉，肉量好足夠，而且仲要冇骨，好好味。

諗住係呢個地點。。地方。。應該會舒適啲。。環境靚啲。。食物應該都會好味啲。。點知有點失望。。先來叫了一份二人酸菜魚。。落單姐姐話二人酸菜魚無咩魚食。。得好少魚。。力推叫份大嘅會多啲魚。。配料睇下有冇得送俾我哋。。但係我哋得兩個人。。怕食唔晒。。又想叫下其他野食。。最後都係決定叫番二人。。來到。。真係好少。。個湯其實飲唔到。。因為太油了。。見到都唔敢飲。。可能係我哋無用。呢個土豆絲無咩味，自己整好似仲好食過佢食到最後係湯底裏面發現咗幾塊黑色嘅物體，唔知咩嚟，希望冇食到落肚啦，希望係食得架啦。。心很累。。一次就夠了

疫情香港封關的時候，生意沒有依家好，幫襯過好多次，生意不好的時候態度明顯好一些，現在通關了，為了做多d生意，不是按照客人到場的先後順序安排座位，而是讓人數多的先入座，員工竟然講大話話大家差唔多時間到場，自己分辨不出來，而我作為第一個到場，因為只有1個人用餐，卻要讓後面4個人及2個人的客人先入座，簡直不可理喻，睜眼講大話的餐廳再好味都唔會再幫襯，你老細請了你這種員工破壞公司名譽簡直悲哀，這種撿客同趕客的餐廳絕對唔會再光顧

由於同行嘅朋友好想食酸菜魚，之後我就推薦佢食呢間酸菜魚，因為見到有好多朋友都嚟過，都話唔錯，由於當日係walk in 餐廳當日都唔係好多人 一上到去即刻安排位置俾我哋，我哋有三個人帶咗Jumbo size 滿滿的酸菜魚，食到停唔到口，之後仲嗌咗咕嚕肉同小食，食到最後就好想食黑糖糍粑作為完美的結束，但係當日被通知已經sold out了因為呢一個糍粑都係我哋好想嚟食嘅其中之一，不過唔緊要已經book mark 左下次一定要再嚟食

老壇酸菜魚(大份）超大份, 有2條魚另外加配料寬粉 & 藕片 & 青筍片點了BB辣,酸菜好食, 魚片很彈口,但湯有點油黑木耳青椒味很重,超級開胃青椒土豆絲土豆絲很爽口, 必食!!幹煸四季豆太油, 沒什麼特別呢店舖環境很舒服, 星期日晚上, 也不算太多人. 很適合朋友聚會

之前中下午時間食過一次，覺得佢酸菜魚嘅粉皮尤其出色，所以提早左幾日訂位黎食酸菜魚好多店嘅粉皮都好易一夾就斷，呢間夠酸夠香，麻味辣味爭少少，不過整體好味👍🏻約7點半，準時到，野食上得好快食左半個鐘，魚同配料都已經食哂，仲想夾下啲酸菜，職員已經過黎執枱，話我地已經夠鐘，問我地啲野仲要唔要但對手已經執緊望一望時間，由坐低到收走哂啲野，先45分鐘，門口貼住繁忙時間90分鐘，職員已經一直比壓力望住我地張枱飲埋杯野，都未黎得切食完抖一陣，剛剛好一小時，職員dump 低張單叫我地夠鐘離座埋埋張單其實只係想同朋友敍下食野傾下偈，冇想霸住個位，成個過程好趕，一食完即刻比人趕，以為去左茶餐廳好差嘅體驗，晚市唔會再

由同事介紹試下這間酸菜魚。這家店面積不少，感覺開揚，格局似西餐廳或茶餐廳設卡位，簡單整潔。午餐有三款酸菜魚：泡椒魚、酸菜魚和藤椒魚等，均$88跟米線或白飯。酸菜魚－送上，嘩，－人份也大大份！我點不辣，但都有少少辣，湯汁清澈沒什麼油份，酸味得宜，魚肉相當嫩滑又無骨，配上酸菜、硬身豆腐和大量米線，味道不錯，十分飽肚。相比海港城的那－間姚姚，那－家的湯會更濃和油潤，各有特色。餐飲有罐汽水，感覺衛生。如果weekday lunch -個人想吃酸菜魚，這兒的－人份都幾ok.