蕃茄濃湯專門店 (已結業)

曾經的長期飯堂～🍅﹣﹣﹣﹣﹣﹣﹣﹣﹣﹣﹣﹣﹣﹣﹣﹣屯門店未搬時，食咗年幾都係食同一款茄湯公仔麵肉醬丸子加蟹柳做早餐，自從搬咗去元朗就好少食，早幾日再食先發現，原來又要暫別了😩● 漢堡番茄濃湯烏冬 配香煎雞扒 $58呢個番茄濃湯依然係熟悉嘅味道，湯底有茄肉，少少稠又掛到湯，天然嘅酸甜味真係當湯飲都得！🍅加埋4大嚿雞扒，外皮煎得非常香脆，而咬落去係嫩滑多汁，雞扒出色到每食一嚿都要讚一次好食🥺○ 自家鮮茄咖喱牛脷焗飯 $82鮮茄同咖哩好夾！濃郁咖喱汁夾雜住茄粒同茄汁，一啖食到兩隻味！有番茄令成個飯唔會太滯，我仲越食越開胃🤤焗飯雖然貴啲但都落重料，飯有炒底，有拉芝，牛脷有成8粒咁多，而且每一啖都係keep住有醬咁食，醬多過飯咁滯！👍🏻性價比極高嘅餐廳 少一間都好可惜🤧希望快啲重開可以有機會再食到❤️‍🔥﹣﹣﹣﹣﹣﹣﹣﹣﹣﹣﹣﹣﹣﹣﹣﹣蕃茄濃湯專門店元朗建業街61號地下