滿堂紅雞煲烤魚特式火鍋 (已結業)

平日甚少去深水埗一帶食飯, 早前在友人的帶領下去了滿堂紅雞煲烤魚特式火鍋食晚飯. 一睇到個名, 就知道可以先食雞煲或烤魚, 之後再打邊爐. 我地選了酸菜大盤烤鯇魚. 等鯇魚上枱時, 可以先拎一些前菜和小食, 這些是任食. 而飲品也是任飲. 我選了咸菜腐竹豬肚. 豬肚幾稔身, 味道也調教不錯. 酸菜大盤烤鯇魚上枱. 條魚好大條, 完全足夠兩至四人食. 配料也相當豐富, 有酸菜, 豆卜, 雜菌. 魚肉相當嫩滑, 對於不是非常鍾意食魚的我, 也覺得不錯. 而配料也不能錯過, 因為全部吸收晒湯和魚的精華. 令我不停食配料. 食完條魚, 基本上都幾飽下. 我地就點了一些配料作為打邊爐. 牛肉一定不能缺少, 我地點了肩胛肥牛. 牛肉切得夠薄身, 即使食全熟的我, 肉質也不會硬. 愛食丸類的我, 也點了黑椒牛丸, 炸海鮮球, 炸魚腐, 包心丸. 仲有響鈴, 完全吸收晒湯的精華. 最後當然要食番一支冰凍的雪條.