太二老壇子酸菜魚

營業中

休息中

同大陸一樣，太二酸菜魚都係主打酸菜比魚好食 。個人食落去，我都真係同意酸菜係好好味嘅。不過成間舖頭選擇就唔係咁多，小菜款式我覺得都係相對普通。而且喺酸菜魚裏面添加嘅配料真係少得有少少可憐 。加咗寬粉，但係前前後後加埋得嗰幾條。如果要返嚟再食過，我應該淨係會揀酸菜魚，其他小菜淨係得個辣味，相對比較油，而且味道一去到辣嘅時候我覺得幾款小菜嘅味道都係一樣 。唔係特別推薦小食。 環境方面一到舖頭好多都係全自助嘅，金橘同埋洛神花水可以自己沖都係免費嘅。另外店舖仲提供叉電線，紙巾等等配件可以自己用。