魚川居 (已搬遷) 新店位置

其實觀塘一向都多嘢食，今次就去咗魚川居打邊爐，佢依度湯底選擇亦多，食物種類亦都好足夠 ，而且又有烤魚及雞煲。因為今次一心嚟打邊爐就揀咗酸菜胡椒豬肚湯底，稻庭烏冬、脆鯇魚腩、美國肥牛。每樣食材都好新鮮，脆鯇魚腩鮮味同埋肉身爽口，牛肉就好足牛味而且脂肪分佈平均，稻庭烏冬夠彈牙，最值得一提係個湯底，超多酸菜及新鮮豬肚係入面，而且胡椒味適到好處，啱曬香港人口味。值得一提既係呢度服務周到，員工每位都好有禮貌而且地方寬敞夠曬大，同朋友聚會一齊打邊爐都唔使怕逼。