川婆婆 (東廣場)

營業中

休息中

好多人都食呢度既酸菜魚，我就唱反調，揀左其他野嚟食。一貫內地餐廳的架步，然後掃QR揀嘢食。可能係天氣凍，大推火鍋，最平都係100蚊，應該幾有競爭力。招牌牛肉粉 (三拼) 牛肉粉可以三拼不同的牛部位，自己就揀咗雪花牛頸脊，吊龍牛肉同埋牛爽腩。最正係三拼之下，牛既份量都冇特別少，令牛肉粉賣相豐富。由於第一次食，招牌麻辣只揀咗最低程度，屬bb級數，下次食可以直接升lv。藥膳黃酒雞米線 配合紅棗杞子同黃酒香，令米線帶有幾香既藥膳味。雞件足料，另加左響鈴卷，吸湯一流；而墨魚味春卷就啖啖肉。上湯娃娃菜平時食麵鍾意叫多碟油菜，今次有得揀娃娃菜，上湯浸過，份外鮮甜。