川婆婆 (觀塘廣場)

營業中

休息中

觀塘多野食選擇多，之前經過其他分店都好多人食，今次一於試吓先酸菜加餸酸菜魚餐BB辣額外加左牛柏葉同炸支竹。魚肉外皮爽脆，魚肉好滑無骨，而且魚肉份量比想像中多好夠食。牛柏葉煮到剛剛好，食落有彈性咬口，唔會煮到老左。炸支竹係新鮮炸過好淋，吸收晒酸菜湯汁好入味好好食。水煮肥牛小辣再加鴨血，肥牛份量不少，肥瘦適中，加上鴨血更有風味，鴨血好彈牙。入面仲有寛粉吸晒啲辣汁，加左同其他配料一齊食，有海帶絲同腐皮等等真係好大碗。最後叫左可樂加冰底解解喝，飲完立即爽晒。