十三姨酸菜魚 (置富都會)

營業中

休息中

同朋友2個人行完一日街，見到呢間新開嘅酸菜魚好似都幾多人排，因為都想食啲中式酸辣野，抱著試下嘅心態去食，果整體感覺都唔錯👍🏻叫咗幾味唔同嘅餸同大家分享吓～酸辣青瓜海蜇🥒海蜇青瓜味道比較濃、較辣，係我自己認為酸辣小食應有嘅味道，青瓜清甜爽脆，海蜇新鮮，非常開胃。酸菜魚小份 小辣 金菇午餐肉 🍲香港食酸菜魚來說味道不錯，酸菜好食辣度適中，魚無骨，份量都算多，我地叫小份2-3人都夠食。我地就加左午餐肉同金菇，整體來說呢個酸菜魚入味，同冇骨。🐟清炒花菜🥦椰菜花就就幾清淡，冇用啲好重味嘅調味料，就係食到爽脆嘅鮮甜椰菜花味，熱辣辣，同酸菜魚一齊味道夾得啱啱好。紅糖滋粑🍮店員話呢個係必點嘅甜品，所以就叫咗一過嚟試。紅糖加花生碎，外脆內軟滋粑，煙煙韌韌、甜甜地，口感一流、值得一試！👍🏻黑糖珍珠四季春加仙草 🧋黑糖珍珠同仙草都非常足料，都幾解油解渴，飲唔晒仲可以拎走飲！👍🏻之後應該都會再嚟，試吓佢其他唔同口味嘅魚！