漁品酸菜魚火鍋放題 (已結業)

鍾意食烤魚的我，今日捐窿捐罅去到呢間位於大圍嘅🐠漁品酸菜魚火鍋放題食烤魚😂話明酸菜魚火鍋放題！！！當然必嗌原條烤魚(酸菜味）啦！今次我嗌左烤鱸魚🐟 因為我鍾意佢夠大條、又少骨、啖啖肉超正～原條烤魚都只係$288真係估佢唔到咁大條，原本以為只夠兩人份量，實際上四個人食都綽綽有餘。條魚烤完再煮，條魚索晒啲酸菜味，香口又嘢味，肉質仲保持到非常嫩滑一啲都唔韧！酸辣得來又食到條魚嘅鮮甜味😋佢嘅配菜都不可以睇小，包含有萵筍片、土豆片、大豆芽、蓮藕片、蕃茄、酸菜、雲耳、冰豆腐、芫荽⋯⋯將佢哋擺埋落酸菜魚一齊煮，香辣又美味由於佢嘅湯底太正，我另外散叫咗啲牛肉、墨魚丸、韭菜餃、薯粉佢嘅安格斯牛板腱肥瘦適中，只需輕輕淖熟，已經食到好鮮嘅牛肉味仲有薯粉我都係必嗌的，酸菜魚加薯粉即刻升級變酸辣粉，都係鍾意佢嘅酸辣又好味😋最後一個亮點就係，一人送一杯雪糕🍦口味眾多任君選擇😃漁品酸菜魚火鍋放題店嘅裝潢仲好別具漁港的風味🥰每一幅牆身都掛上漁港風味嘅救生圈和大大小小的魚，俾人嘅感覺真係好似去咗漁港食海鮮一樣！！！漁品酸菜魚火鍋放題店嘅裝潢正，食物更正，真係值得一試👍