十二味 (如心廣場二期)

營業中

休息中

疫情關係，相信好多人都返唔到大陸，亦都令到好多人好掛住大陸既食物，酸菜魚相信係其中之一。今次試呢間十二味，係香港都已經有好多分店，荃灣呢間開左係個新商場，唔知水準同其他分店有無分別呢？假日晚飯時間去，等位都等左接近一個鐘，最後都順利入到去。佢地店舖裝潢同其他分店都差唔多，燈光較暗，都係要人用電話落單。我地兩人叫左招牌酸菜魚，再加多個辣子雞。酸菜魚一上菜已經佔左成張枱咁濟，再加埋個辣子雞，無乜位咁濟。個酸菜魚份量都足夠兩人食，如果有3-4人，可以再叫另一個大份啲既。佢地今次個魚好滑，配埋其他配菜，而且夠哂酸，色香味都係水準之上，即使遲啲開返關，相信令好多人都可以唔洗急住返去食喇。辣子雞都一樣係色香味都十分足夠，好出色，鍾意辣子雞既朋友真係可以試試。佢地仲有個辣鍋好正，不過今次食唔到咁多，所以下次一定要食。佢地既菜式唔多，但每款都做得好，整體都係好食既，而且價錢唔算太貴，所以都推薦呢間既。