十三姨酸菜魚 (Mikiki) (已結業)

Lunch嚟食十三姨酸菜魚，都幾豐富！我嗌咗酸菜魚套餐($68)，免費就跟飯，我就加五蚊轉咗做水晶粉，一共$73。一上菜，哇一聲，好大碗呢！佢嘅酸菜魚湯好香濃，夠開胃，又都魚香。我叫嘅係小辣，不過我本身唔太食得辣，覺得辣得濟😳，但都真係好好食，所以食得哂！佢嘅魚無骨，嫩滑，入味，正啊！朋友就叫咗個麻婆豆腐飯，同埋自選湯麵🍜。麻婆豆腐飯都係辣的，所以唔食得辣嘅要留意了。午市每個主食附送一杯酸梅湯，都幾開胃，同埋解辣！