有鑊氣-酸菜魚 (大全街)

營業中

休息中

今日同同事又嚟呢間lunch，睇個名以為淨係食酸菜魚，其實入邊有好多正嘅小炒。佢中午lunch Menu大眾化，包埋嘢飲，亦多選擇。佢啲炒粉麵飯有鑊氣👍今日食返酸菜魚，叫咗少辣。啲魚好滑，米線份量足。同事就叫咗魚香茄子飯，汁多味濃，送飯一流🤤. 仲有好多小炒想試，可惜每次只能要一兩款。如果多人嚟食佢可以訂位，大家可以試多啲唔同款。不過佢座位真係唔係好多，如果大枱都係得一張，其他都係二人/　四人枱。中午時段比較多人。