麻辣娘子 (形薈) (已結業)

經過形薈商場，發現開左一間主打食麻辣川菜的新餐廳。見佢地lunch餐牌都幾多選舉，價錢亦都合理，一試無妨！大熱天唔想食飯，所以揀左四川冒菜粉配紅薯粉，湯底是開胃的酸菜魚湯底。配料方面，每款價錢都喺加8-12蚊不等，有菜有肉任君選擇，點了最愛的萵筍同埋鴨血兩款餸。.餐廳可以用QR code落單，但系統有問題落左單都無記錄，最後都喺要搵侍應人手落單。跟餐可以加錢配台式飲品，揀左芝士奶蓋綠茶。.估唔到飲品咁大杯而且味道都唔錯，芝士奶蓋夠濃夠香，茶底清清地消暑解渴，拍得住街邊舖頭30幾40蚊一杯的質素，所以加12蚊就有一杯來講真喺幾抵飲！薯粉同配菜都好足料，份量又多，一大碗一個人都食唔哂。.萵筍新鮮爽脆，鴨血無腥味。酸菜魚湯底的酸味喺比較重，椒麻同埋辣味唔出，對於我呢啲食開少辣既人來講會比較適合，但大辣人士可能就覺得唔夠過癮。餐廳座位舒適，食物份量多而且價錢合理，下次會再試下其他食物。