湘薈 (已結業)

今日lunch黎呢間湘薈吃，一開始無乜期望因為香港做湖南菜真係好少。但係上菜後成個look好正，首先好有好感。其次因為我本人食辣能力麻麻，但係又中意食，於是點咗“少辣”。上菜後果然辣度可以接受，同時無減少到香辣嘅“香”，好正。酸豆角嘅酸撈飯一流，又唔會辣到完全食唔到嘢，好似我咁嘅香港人胃口都可以食到嘅湖南菜真係難得。總體黎講雖然我中意麻辣多過酸辣，（尤其係藤椒），但湖南菜嘅香辣味道其實一直都好吸引我。今日食得好暢快，少辣但好開胃。但今日lunch真係超出預期，好食呀。😍