影片
更多
2022-02-24
34 瀏覽
之前係旺角總店食過晚餐，食過返尋味，今次去只係開咗幾個月嘅沙田分店食午餐，揀咗極上和牛吃到飽餐，198蚊任飲任食90分鐘，星期六另加10蚊。牛大人呢期同蠟筆小新合作，店內四周都係蠟筆小新佈置，亦有精品發售，沙田店仲有收費即影即有，可以同小新留倩影。入座前要揀湯底，上次紅燒牛骨鍋唔錯，今次轉一轉，揀咗期間限定醍醐番茄酸辣鍋，可以揀大、中、小辣，小辣剛剛好，唔會嗆喉，加埋酸菜同番茄，酸辣之中帶點鮮甜。當日非常肚餓，坐低即叫小食。香腸、鹽酥雞、甜不辣、脆薯等台式小食熱辣辣又香口。魚香皮蛋豆腐夠冰涼，豆腐嫩滑，皮蛋甘香，我同朋友各自食咗三份，確實出色。雖然同樣係極上和牛套餐，但午餐嘅牛肉種類較少，無咗安格斯牛小排、手切封門柳等，幸好仍然食到安格斯特選牛板腱，肉味不錯，而澳洲M5和牛牛肩卷肉質幾柔軟。上次試過「漿」，相當滿意，再次回味章魚珍珠漿、蟹子墨汁漿、真味牛肉漿，軟滑彈牙，各有滋味。📍牛大人沙田沙田正街11-17號偉華中心2樓9A-9B號舖
之前係旺角總店食過晚餐，食過返尋味，今次去只係開咗幾個月嘅沙田分店食午餐，揀咗極上和牛吃到飽餐，198蚊任飲任食90分鐘，星期六另加10蚊。牛大人呢期同蠟筆小新合作，店內四周都係蠟筆小新佈置，亦有精品發售，沙田店仲有收費即影即有，可以同小新留倩影。
入座前要揀湯底，上次紅燒牛骨鍋唔錯，今次轉一轉，揀咗期間限定醍醐番茄酸辣鍋，可以揀大、中、小辣，小辣剛剛好，唔會嗆喉，加埋酸菜同番茄，酸辣之中帶點鮮甜。
當日非常肚餓，坐低即叫小食。香腸、鹽酥雞、甜不辣、脆薯等台式小食熱辣辣又香口。魚香皮蛋豆腐夠冰涼，豆腐嫩滑，皮蛋甘香，我同朋友各自食咗三份，確實出色。
雖然同樣係極上和牛套餐，但午餐嘅牛肉種類較少，無咗安格斯牛小排、手切封門柳等，幸好仍然食到安格斯特選牛板腱，肉味不錯，而澳洲M5和牛牛肩卷肉質幾柔軟。
上次試過「漿」，相當滿意，再次回味章魚珍珠漿、蟹子墨汁漿、真味牛肉漿，軟滑彈牙，各有滋味。
📍牛大人
沙田沙田正街11-17號偉華中心2樓9A-9B號舖
張貼
