雲川 米線．紅薯粉 (貝爾特酒店)

營業中

休息中

因為就腳，其實雲川我已經食過唔少次，豬頸肉出名好食就唔再多講啦，好多人都分享過，今次想比較下「酸辣湯底」同「酸麻金湯」。食開米線既朋友都一定有自己既偏好，「麻辣」同「酸辣」各有一班捧場客，食開邊樣就通常唔會轉。但當「酸麻金湯」出現左，就令唔少人有選擇困難，一個湯底滿足哂兩種味覺，好似抵食d喎，而我亦都唔例外，食開酸辣既我今次一於叫左碗酸麻金湯試下。平時食開既酸辣好香酸菜味，而且好香濃，小辣都唔會無料到，係幾高質既湯底。今次試呢個酸麻金湯，雖然有酸有麻，但有少少兩頭唔到岸，酸唔夠酸、又唔算好麻，而且無左個浸好香既酸菜味，我叫左中辣，夠辣不過唔夠濃味，同酸辣湯比爭幾級。總結，貪心無好結果，想兩樣都要，結果反而兩樣都滿足唔到，都係繼續做我既「酸辣」捧場客了。