雲記桂林米粉

營業中

休息中

鍾意食螺獅粉，尤其係當中入面嘅酸筍，雖然係發酵後有種「臭味」，但鍾意食嘅人就好鍾意，唔鍾意食嘅就一定覺得佢好臭接受唔到雲記係以前同事介紹去食，係北區內難得嘅桂林米粉店，主打桂林米粉同埋涼菜。日頭嘅話都有學生嚟食，下午嘅話人流相對比較少。夏天咁熱，如果可以坐商場入面個舖位開餐會更好，因為出面個舖位比較熱冇冷氣今次嗌咗雞翼米粉 轉薯粉 麻小辣，因為鍾意呢度嘅薯粉係粗薯粉，所以通常都會加錢轉，但米粉間唔中都會食吓 呢度嘅辣度都幾足，麻辣味唔係好出，但加上酸筍同酸豆角味道都啱啱好，食到最底都仲有好多酸豆角同花生，老闆比配料的確唔手軟，雞翼正正常常，成碗嘢份量啱啱好夠下午茶填飽肚仔～食呢間嘢唯一嘅弊處就係，食完成身都係酸臭味，但我仍然咁鍾意食