麻酸樂米線專門店 (已結業)

好多年的麻酸樂,見証佢開完一間又一間,但執完一間又一間, 再不停轉型! 雖然唔知佢仲有幾多間分店,位置分佈在哪一角, 這打不死的精神確值得鼓勵！麻酸樂推出的食品其實不差的,食得出佢好努力去製作, 中意佢個湯底看似清湯,但其實有麻酸的刺激味道,算係唔錯的!在多年後的今天重臨, 揀了一個冬蔭公海鮮米線同一個龍崗雞麻辣米線。冬蔭公個湯做得唔錯, 可以一飲再飲, 辣味唔會太過,只係微辣程度。只係海鮮就太少, 應該係用晒啲海鮮去熬個湯吧？配料只有一隻蝦、一粒墨丸、一塊魚片…風格依然咁精簡, 方向反而真係冇乜點變, 對!配料少少就係佢一直個風格!龍崗雞肉算嫩,唔會過老就OK,冇乜肉食, 因為係雞脊位置, 醬汁就較杰身淋上, 少少麻辣, 味道都算唔錯吧。米線方面條條分明, 軟硬算得上剛好。多年冇食麻醉樂, 今次感覺都沒有大驚喜, 亦不見有大突破！仍有好大進步空間, 繼續努力吧!