微醺 (已結業)

是日去完大館，就去附近嘅蘇豪區食個晚飯，轉彎行冇幾耐就見到呢一間微醺，店員喺門口都好落力咁向食客推介，見佢咁有誠意，於是我哋就決定入去食個晚餐。「醺」意指酒醉，入嚟當然要叫番杯酒飲吓！呢杯Tea Tone先用上季之花京都Gin酒，再加入蘋果汁同乳酪，季之花Gin酒的味道突出，但亦不乏焙茶濃濃嘅茶香，男士女士都讚不絕口！而呢杯You May Fun就有更多嘅果味，佢係用熱情果、西柚汁加梳打，仲有自家製嘅甜梨糖漿，所以味道較甜，而酒就用上Roku Gin，係嚟自日本嘅Gin酒，roku 指六，即酒中帶有六款不同的植物如櫻花、柚子、煎茶等香味，有酒香得來亦都非常易入口，女士們就最適合不過。講明醉娃之意不在酒，所以都要點番啲小食同主食，首先揀咗半熟吞拿魚春卷，佢係用春卷皮包住吞拿魚刺身，經油炸後造成半熟嘅效果，然後再配合他他醬一齊食。吞拿魚本身已經充滿鹹香，所以其實就算冇他他醬都已經非常好食，而點咗他他醬之後又係另一種層次，各具特色。店員好用心介紹每一道食材嘅特色同埋佢嘅私心推介，最後我哋揀咗帶子香蒜橄欖油意粉。其實簡單嘅香蒜意粉就最能測試到廚師嘅功架同埋食材嘅質素，廚師用橄欖油炒香蒜蓉再混入