太平飯店 (已結業)

Honey見小肥最近寫咗幾編潮州菜o既食評，知道契妹同樣愛食潮州美食，所以週一喺其公司附近一發現到好食o既特色潮菜「太平飯店」 ，就立刻約埋一齊週三去食晚飯。餐廳就喺北角地鐡站A1出口轉右第一個舖位，講地點方便都要數佢 ！店內雖然係茶餐廳格局，不過望入廚房都覺得幾乾淨企理，卡位都好舒服，而且好光猛，又唔算好嘈。自助式o既餐具暗藏於餐桌o既拉櫃內。除咗過咗膠o既兩頁餐牌外，每張紙造餐墊都印有店子o既招牌菜及詳盡o既介紹。見我地心大心細，溫婉o既姐姐仔仲送上圖冊餐牌等我地慢慢揀 ；結果我地亦憑圖叫咗四味。 醉香溏心蛋（$28）：溏心蛋真係食唔少，不過就從未食過有酒味o既溏心蛋。「太平飯店」隻溏心蛋不但滑溜流心，其酒香味醇厚甜美得黎非常之易入口，食蛋都可以齒頰留香，當真令人醉口又醉心 ！ 滷水鵝片拼豬大腸（$168）：傳統滷水鵝片切得好夠薄身，而且每片都一樣咁肥瘦均勻，幼滑軟嫩，一啲都唔嚡唔乾，咸味濃度啱啱好 。 花雕醉鵝肝（$98）：鵝肝實物不但比插圖吸引迷人，入口更加令人陶醉萬分！鵝肝薄滑軟腍，與花雕o既酒香味夾到不得了 ，第一口已教人如癡如醉。 香煎鴨蛋蠔仔餅（$7