影片
更多
2020-03-22
4281 瀏覽
星期六嘅lunch , 人唔多，一共四檯客，有大大嘅落地玻璃，可惜係樓景而且天氣唔靚，所以其實係無乜view,除咗我有位坐，袋當然都有，menu 表達複雜婉轉，唔係直接寫食材，需花惱筋去睇，雖然service 好，可揾waiter 解釋，但法國人講嘅英文實在唔容易聽。weekend 嘅set lunch 係5個courses HKD788 加280可選三款餐酒，我無加，其實醉翁之意不在酒，主要係想試下唔同餐廳，同時又可同朋友傾下偈。starter 嘅墨魚做得好細緻，一層一層薄薄咁，唔講真係睇唔出係墨魚，囗感好好。main course 我地order 咗羊同魚，未上菜之前waitress同我地講要等耐少少，因為魚over cooked ，所以chef 話要再煮過，欣賞呢份認真，而且食得法國餐都需時，所以等一陣無乜問題，魚面有食用花，好靚好精緻，魚好滑，旁邊有露筍同埋mushroom，露筍好嫩，美中不足係魚佢地無處理好，食到有骨。羊嘅面煎得香，不過太羶，所以我麻麻。甜品係士多啤梨啫喱雪糕，佢地介紹士多啤梨係日本嚟，如果無講大話可能係佢地俾人呃，入咗次貨，因為正常嘅日本士多啤梨係唔會酸，即
weekend 嘅set lunch 係5個courses HKD788 加280可選三款餐酒，我無加，其實醉翁之意不在酒，主要係想試下唔同餐廳，同時又可同朋友傾下偈。
starter 嘅墨魚做得好細緻，一層一層薄薄咁，唔講真係睇唔出係墨魚，囗感好好。
main course 我地order 咗羊同魚，未上菜之前waitress同我地講要等耐少少，因為魚over cooked ，所以chef 話要再煮過，欣賞呢份認真，而且食得法國餐都需時，所以等一陣無乜問題，魚面有食用花，好靚好精緻，魚好滑，旁邊有露筍同埋mushroom，露筍好嫩，美中不足係魚佢地無處理好，食到有骨。羊嘅面煎得香，不過太羶，所以我麻麻。
甜品係士多啤梨啫喱雪糕，佢地介紹士多啤梨係日本嚟，如果無講大話可能係佢地俾人呃，入咗次貨，因為正常嘅日本士多啤梨係唔會酸，即使啫喱同雪糕唔錯都令個甜品扣唔少分。
再嚟嘅係脆片加雪糕，脆片有蕃薯味同芋頭味，中間雪糕好滑，仲配咗啲瓜子同姜粉，刺激倒味蕾，呢個我好鍾意。
原來雪糕未係最後，仲有三個甜品，無寫喺menu 度，有日本蜜瓜，雖然賣相好靚，但唔甜，應該唔係夕張，另外係酥皮燉蛋，我覺得個酥皮整得幾好，幾香，仲有一個就係朱古力cake , 擺喺本來陣設喺檯上嘅書中間，有少少辣辣地，應該係加咗酒。
overall 食材新鮮，配搭幾好，但性價比唔算高，因無靚view 而且set 價錢唔包飲品，連coffee or tea都無，另外就係甜品太多，其實無必要，我見隔離檯嘅男士最後三個甜品完全食唔倒，要take away.
脆片配雪糕
28 瀏覽
0 讚好
0 留言
張貼
