影片
更多
2019-04-29
182 瀏覽
今晚番觀塘搵舊同事食飯，兩個人，唔知食咩又想慢慢坐住吹下水，最好嘅選擇就係打邊爐啦。網上見到介紹醉翁亭唔錯，就二話不說let’s go。一坐低，服務員見我地兩個男仔就同我地介紹先食個雞煲然後再揀湯底打邊爐。除左海鮮拼盤，刺身，花膠冬菇，至尊水餃王，牛頸脊等指定食品只係出一次，其他野都係可以任飲任食。咁抵食嘅邊爐，都真係第一之試。係等緊雞煲黎嘅時候，我就出左去睇下有咩小食。雖然款式唔多，但係品質都唔錯。炸排骨夠酥香；白雲鳳爪酸甜爽口非常開胃。服務員好快就為我地送上蠔皇金錢花膠，花膠都幾厚身炆得都入味，同埋D芡汁濃郁。另外個刺身都算幾新鮮，有中價日本餐廳嘅水準，相當唔錯。上晒前菜，個雞煲終於到啦。滾左一陣，指天椒、乾指天椒、花椒、八角等香料嘅香味己經出晒黎。雞肉鮮嫩又夠入味，咬落脆身又唔會覺得「鞋」。我地叫左微辣，但食左一陣我已經滿頭大汗。唔食得辣嘅朋友要留意啦，其實都有走辣可以揀番。最驚喜嘅就當然係海鮮拼盤同埋牛頸脊啦，海鮮每款都大件又飽滿聖子，蝦，青口，扇貝，魚片，象拔蚌，十分豐富。唔似其他餐廳個D 雪左好耐又勁腥；至於個牛頸脊絕對係「無投訴」色水靚，紋路又清晰，有咬口，夠牛味，食完齒
今晚番觀塘搵舊同事食飯，兩個人，唔知食咩又想慢慢坐住吹下水，最好嘅選擇就係打邊爐啦。網上見到介紹醉翁亭唔錯，就二話不說let’s go。一坐低，服務員見我地兩個男仔就同我地介紹先食個雞煲然後再揀湯底打邊爐。除左海鮮拼盤，刺身，花膠冬菇，至尊水餃王，牛頸脊等指定食品只係出一次，其他野都係可以任飲任食。咁抵食嘅邊爐，都真係第一之試。
係等緊雞煲黎嘅時候，我就出左去睇下有咩小食。雖然款式唔多，但係品質都唔錯。炸排骨夠酥香；白雲鳳爪酸甜爽口非常開胃。
服務員好快就為我地送上蠔皇金錢花膠，花膠都幾厚身炆得都入味，同埋D芡汁濃郁。
另外個刺身都算幾新鮮，有中價日本餐廳嘅水準，相當唔錯。
上晒前菜，個雞煲終於到啦。滾左一陣，指天椒、乾指天椒、花椒、八角等香料嘅香味己經出晒黎。雞肉鮮嫩又夠入味，咬落脆身又唔會覺得「鞋」。我地叫左微辣，但食左一陣我已經滿頭大汗。唔食得辣嘅朋友要留意啦，其實都有走辣可以揀番。
最驚喜嘅就當然係海鮮拼盤同埋牛頸脊啦，海鮮每款都大件又飽滿聖子，蝦，青口，扇貝，魚片，象拔蚌，十分豐富。唔似其他餐廳個D 雪左好耐又勁腥；至於個牛頸脊絕對係「無投訴」色水靚，紋路又清晰，有咬口，夠牛味，食完齒頰留香。任飲任食嘅邊爐有呢個水準。除左超值都唔知仲可以點形容。
食完雞煲、海鮮拼盤同埋牛頸脊之後已經8成飽，但係兩條仔無理由咁快停手，之後我地再係任點火鍋料單上面點左一幾款再試下。D 火鍋料黎到真係一D都唔馬虎，墨魚滑爽口彈牙，豬潤嫩滑。如果你自問同你班朋友「戰鬥力」高，又想坐得耐嘅話，醉翁亭絕對係你不二之選。
張貼
