醉翁亭火鍋館 (已結業)

太子無限時任食，醉翁亭都幾抵食。無限時任食，每位都只是$268，而且還包括了飲品任飲。雖然食物選擇方面款式比較一般，不過各種類都有，每款試一點都已經很足夠。每枱都有刺身拼盤，海鮮拼盤，頂級牛頸脊，水餃皇和蠔皇扣鮑魚送。刺身素質不要期望太高，不過勝在有幾款食下。海鮮拼盤，有大大隻海蝦，大蜆，青口，魷魚片，鮮脘片同鱔片。當中真的要讚一下海蝦，真的很大隻而且好新鮮，食落肉質好結實爽口。而鱔片又好香。水餃皇，薄薄的餃皮包到餡料脹卜卜，因為裡面是大大隻的鮮蝦，咬落爽口。蠔皇扣鮑魚的鮑魚都幾好食，唔算大隻不過肉質彈牙有咬口。頂級牛頸脊食落好香牛味，而且肉質軟嫩。湯底選擇了鴛鴦鍋，一邊是皮蛋芫茜湯一邊是沙爹湯底，皮蛋芫茜都好足料，好香芫茜的味道，感覺比較清熱。大魚頭的魚皮都好滑身，而且鮮味。鮮蝦滑及墨魚滑都是推介之選，足料鮮打，食落彈口而且好鮮味。反而鯪魚丸有點失色，唔夠鯪魚的香味。炸響鈴加上皮蛋芫茜湯，輕輕一淥就已經好香口。魚腩好爽口，肉質結實鮮甜。