醉翁亭火鍋館 (已結業)

五。一勞動節前不可多得的相聚時刻，看見廣告預先訂座，任飲任吃無限時，問定有什麼海鮮🤔(其實說好的蟶子或帶子是沒有的)，位置方便地方也不錯，可惜服務因人手短缺而變得有點負荷不了，下單後食物來得比較慢，水準非常普通，送的雞鍋衹有辣椒多，雞是頭頭尾尾沒多少雞件，因大家不吃牛，所以轉送了一蝶冇聞冇味魚生拼盤，另外海鮮拼盤很一般， 蚌有沙，龍蝦 仔一開六，斬得太細件，最重要的是所有飲品又不凍又沒冰，結帳後服務員才說可給冰桶把罐裝飲品冰凍激死……超不爽。

個個位唔應該放張枱， 一上樓梯就係， 側邊就係野飲櫃， 開閂雪櫃都會好影響。店員仲好堅持無問題。如果開閂雪櫃撞到， 係計落店度定其它客人度？最後無要到個位。加埋一四百， 提早 book 都比D 咁的位。

星期五晚上和家人到太子吃飯，因為大家都想不到吃什麼，便到附近的醉翁亭吃中菜，其實它應該出名打邊爐的，因為大部分的枱都已經是打邊爐setting，我們這些吃小菜的就要行入內廳坐。驟眼看，價錢中上，大部分的菜式都百多元。我們剛坐下沒幾耐，已經有店員來催下單，我們還未決定好便叫她等等。沒幾耐，她又過來催，我們問她有什麼好介紹，她不耐煩地說了燒鵝，服務態度認真不好。第一道菜是黑椒牛柳粒炒西芹三色椒，蜜桃小丸子幾乎每件黑柳粒都吃到筋，不好吃，西芹細細件而很少三色椒，黑椒味弱。第二道菜是燒鵝，雖說是招牌，但只是普普通通，吃不出有任何出色的地方，肉不是特別大件，亦不鮮。第三道菜是海鮮雜菜粉絲煲，這是令蜜桃小丸子滿意的菜式。海鮮方面有魷魚、象拔蚌，菜有小白菜、菜芯和西蘭花，都頗足料，吃下口清清淡淡，是健康的選擇。第四道菜是清煎龍躉，魚蒸得剛剛好，肉質不錯，是新鮮的。整體而言，蜜桃小丸子不會再來吃中菜了，但看隔離桌打邊爐好像不錯，下次有機會會試試。

格價不太化算，食物質素差，竟然食到史上最難食既雞煲，個阿姐非常冇禮貌，串串貢。火鍋配料反映有問題，居然嗌我地唔好食佢，嗌過第二樣食，極了敷衍。$298再加一，完全唔值呢個價錢。

終於約左好耐冇見既密友👭邊爐🥘怪約得出黎就梗系要打邊爐啦決定去間好似話幾高質既【醉翁亭】等埋朋友收工都9點,可以有8折入到門口比較陰沉,上到去都冇乜人得2張枱有客,吾知系咪因為太夜既關係先黎叫個雞煲先,再嗌左蓆水😲都系拎返飲品櫃d罐裝飲品穩陣-蠔皇扣鮑魚-蠔皇金錢花膠-蠔皇金錢海參雞蓉燴燕窩以上4款系睇下佢當日比邊款至尊水餃皇每位1隻一直期待有幾咁至尊原來真系好好食咖冇比個名呃左🤣刺身拼盤🐟又系差吾多食哂先記得影相雖然系食邊爐,但刺身又吾差渦極級牛頸脊因為我地3個人,所以系一碟細牛🐂至愛食牛,重牛味食到海鮮拼盤哩個拼盤比較好都系得海蝦🦐其他一系有沙一系肉質林吱吱霉既豬潤吾爽的鵝腸好多膏,岩食肥既系不錯之選但系我地吾食肥就要整走哂先食到鱔片有d爽有d吾爽魚頭都新鮮,如果鐘意食魚頭可以試下脆鯇片我諗個名吾好加個脆字會冇甘失望話收一點,但系十一點幾已經趕客甘本身人地趕客就會熄冷氣,佢就開大冷氣大到聽到fingfing聲,要凍走我地不過好彩我地怕熱冇影響😅出絕招仲慢慢熄埋d燈....

2018年6月24日晚上我book咗9点鐘2位，一開始食，D侍應該態度都冇什麼問題，食物都ok,我見得返兩枱客，我問一位身穿西裝男士請問收幾点佢話一点，之後我同朋友繼續食嘢傾計，到大約11:50我地比姐姐清哂所以食物只留返啤酒係枱面，姐姐清完枱即刻有個冇乜頭髮既大叔丢張枱布係我張枱，我望住佢佢立即丢係我椅背梳化上，好似比人恐嚇咁，我問佢收幾点佢話12:30咁点解要我咁急走，我地都係飲埋嗰杯就走，太過份，宵夜時段一位收$330有咁既服務態度，D嘢幾好食都冇用，我唔會再幫襯

好友五月生日，諗緊食咩好，適逢醉翁亭有生日優惠，壽星仔免費，太好了！一於決定來個「任飲任食海鮮火鍋」！自行混醬時，見到有 wasabi ，原來有刺身食。很新鮮，很鮮甜！火鍋前，食個雞煲先，可以揀辣的程度。今晚送燕窩，有時係鮑魚㗎，今次食唔到鮑魚真可惜！主菜到：環球海鮮拼盤賣相已經夠吸引，見到已經嘩嘩聲！侍應仲好主動幫我們影相，夠體貼！食火鍋點可以少得牛肉極品牛錐脊其實已經飽飽地，再叫一啲必食火鍋料，很完美！

以往最討厭就是任食火鍋因為質素太差是晚友人提議去醉翁亭先給我一張宣傳單張價格比以往任食貴一點 應該好一點吧Um~好 決定try try一入到店門口 直到安排好座位是非常舒服的布質梳化卡位所有職員都好有禮貌 不會令你覺得冷漠一坐低好就先跟我說 外面有幾款小食可以先行去拎來吃因為朋友未到 我就坐坐先先查看一下餐紙見到有幾款湯底見到沙嗲湯底配的是芫西 立即打冷震😂朋友想要冬瓜湯底 我又想要沙嗲一問職員之下 原來是可以這樣拼埋的太好了先查證一下 這樣拼是否需要另收費用女職員很禮貌地告知不用的 如果需要收費的東西 我們會先跟你講非常好隨即落單 女職員再說如果需要飲品 可以在外面櫃自取 如果要茶或者蔗茅根 可以跟她或者其他同事說太子旺角區來說 服務是超水準(頓時想起早排去尖沙咀五星星洲X酒店內的大堂酒廊服務也降級接近茶記水準)到食物方面點單後很快便上湯底再陸逐送上我們點的食物及本餐已包的海鮮盤、牛頸脊、刺身拼盤、每人一粒至尊水餃重及花膠海鮮拼盤 - 龍蝦六小件、海蝦、蟶子、貴大花蛤、頭腩、大青口、鱔片及魷魚以上每款都好新鮮及鮮甜 龍蝦好爽口彈牙 海蝦亦大大隻 沒有霉霉的蟶子肥美刺身拼盤 - 三文

All-you-can-eat hotpot is a good option for gathering and friends who love to hotpot. With no time constraint, it is even better as not everyone could get off on time. Restaurant is spacious with clean environment and staff attitude is nice. Monday to Thursday $298 per person. Friday, Weekends and Public Holidays $328 per person. Drinks are free flow too and you can it from the fridge near the staircase. Free drinks include soda, juice and soft drinks. For alcohol drinks, you need to add extra m

原本女朋友鐘意海鮮，又唔想太貴。。行過見到先入去佢car位張櫈好好坐好舒服，一坐上去好想訓覺！想落單時個staff 話差10分鐘有8折，10分鐘後先幫我入單，我真係多謝你到不得了。300蚊位底到嘔，仲要八折真係一流！一開始一份刺身一份海鮮已經眼穾，聖子好大隻！加上碟靚牛肉不得了，鮮牛丸肉丸任食都係任食，多款飲品任飲，酒精要錢！我飲藍妹30蚊支。可以選擇羊腩煲雞煲或湯底，我要左湯底但湯底一般有待改進，會再離。

9/11一家人行完太子，見到一間叫醉翁亭的火鍋店，標榜$298無限時任食，加上天氣又轉涼，所以今晚晚飯決定選這兒了，一行四人入店後立即安排入座，店員亦很有貌，現場環境亦唔錯，並安排我們坐卡位，好快侍應將調味料拼盤送到枱上，講下小食先，有三款自取小食(木耳、酸辣雞腳同青瓜)，三款都好好食👍🏻而雪櫃亦有多款非酒精飲品無限供應，講返食物先我地叫左個重慶辣雞鍋(啲雞件香口味美 辣度適中 最重要係冇限添加 正👍🏻)，然後再送上招牌牛頸脊(大)、刺身、雞蓉燴燕窩同海鮮拼盤等已擺到成張枱都係野食了😋😋非常豐富ar，至於任食食物方面豚肉片、午餐肉、炸響鈴、墨魚滑、韭菜餃、脆鯇片及鱔片等，整體食物好有水準，特別推介牛頸脊，真係好鮮甜好有肉味肥瘦適中另一樣係鱔片(肉質新鮮及厚切)，真係一餐非常滿足的打邊爐👏🏻👏🏻整體食物，環境，店員服務都好好(時常來加茶加湯)，最重要係無限時可慢慢傾同慢慢食，這間醉翁亭的高質任食火鍋絕對值得向大家推介😋😋亦希望繼續保持水準👍🏻

雖然結咗婚，但我都唔想無咗同老公每個月出嚟食飯嘅習慣，所以趁住69個月就出下嚟食飯，可惜嘅係我地兩個都要OT，所以最後佢就我到我公司附近打邊爐，好彩之前試過幾次醉翁亭，今次求求其其得嚟都叫有保証。而且都不過係3百頭一個人就任食火鍋，其實算抵話說我發現呢度同其他分店唔同嘅地方，係一直都係食開鮑魚，但係呢間舖係每一個星期都唔同今次係花膠啊!!!  雖然唔係話好大塊，不過忟得好入味同埋軟腍，不過西蘭花有啲凍....但overall 嚟講都好好食，特別係冬菇好厚肉。套餐入面送嘅刺身拼盤，有厚切三文魚、北寄貝、希靈魚同魷魚刺身，本來我以為質素都係麻麻，但係食落又發現其實新鮮架喎，任食放題嚟講，都算係唔錯，我食咗北寄貝同希靈魚，真係一啲腥味都無。佢地嘅海鮮拼盤亦同之前一樣咁有體頭，啲蝦一啲都唔「梅」而且入口啲蝦肉好爽口，魷魚片都係，本來以為用啲唔新鮮嘅雪藏貨，點知入口超新鮮，一啲雪味都無! 更唔好講蟶子皇，真係入口彈牙，保持一貫水準。本來我都唔係好鍾意食魚，諗住掉入鍋度滾下散下啲味，點知肉質超滑，而且真係好少骨。老公揀咗個鴛鴦鍋，我好鍾意佢個清湯皮蛋芫茜豆腐，真係好足料，啲食料好似食極都有咁，而且

是晚來到健峰保險大廈的醉翁亭。看過開飯的食評，以為它是一家私房菜格局的火煱專門店，到達店內原來是一家普通的酒家。價錢是$298 加一(星期一至四)/$328加一(星期五/六/日/公眾假期前夕)，兩位起，不限時間半任食。這裏的湯底共六款，包括時令羊腩煲、皮蛋芫茜鍋、鴛鴦鍋、冬瓜瑤柱鍋、重慶雞鍋及需另付$80的龍蝦鍋。我們選了最基本的皮蛋芫茜鍋。湯底內除了有海量的皮蛋芫茜外，還有豆腐，都算是足料。座位都算不錯，枱與枱的空間充足，還有電視看。說回食物，不是任食的包括海鮮生料拼盤、牛頸脊、刺身拼盤、至尊水餃皇（每人一隻）及蠔油扣鮑魚。其他火鍋生料任食，不過任食的生料沒有牛肉。飲品在雪櫃自取，不過離我們的用餐區就比較遠。刺身拼盤新鮮程度有驚喜，比放題的質素好。是日刺身拼盤有三文魚、北寄貝、赤貝及希靈魚。圖中為二人份量，份量也不算少。海鮮生料拼盤的蝦的鮮味不錯。可是魚切得很厚而且有細骨，刀功上和魚的新鮮度有待改進。牛頸脊份量很大，油脂也算是平均。蠔油扣鮑魚的汁頗為入味，鮑魚也不硬身。至尊水餃皇（每人一隻）表面乾身，但口感頗油膩，不合我的口味。黑豚肉的肉質和味道也不錯。烏冬都是正常貨色。墨魚滑味道一

飲飽食醉真是人生一大享受！有咩好得過三五知己圍埋一齊吹水啤啤佢？所以Gathering當然首選放題同邊爐啦！ 不過一班人出得來食飯，兩粒鐘真是唔夠時間囉！醉翁亭呢度好fit 啫！無限時半自助任食，坐幾耐都得喎！一於晚餐食到宵夜再睇埋波啦！(≧∇≦) 原來呢度食法好得意，分“每人一份“同任食唔嬲，每人一份就包括是日剌身同海鮮，亦都有鮑魚或燕窩(隨機)，而極上手切牛頸脊就會因應人數而有不同的份量，明嘅，始終唔限時喎，收費又只需300蚊，個個都任食鮑魚真係聽執笠嘅！ 不過任食唔嬲都有好多選擇架！例如有大魚頭、魷魚、鱔片、脆鯇魚、大青口、粉腸、豬腰、豬肚、羊肉片、駝鳥肉、黑豚肉、豬頸肉、魚皮餃、小燕餃、魚腐、牛丸、魚滑、墨魚滑、鮮蝦滑、四寶丸、炸響鈴…………等等等等 嘩多到數唔曬囉！我决定放棄數落去(>﹏<)因為其實我食完“每人一份“之後已有好飽喇！任食唔嬲個part只係食左魚片兩塊咁大把咋！ 究竟食左啲乜咁飽？嗱，首先因為初秋嘛，又見到有我最愛的羊腩煲啦，咁唔係唔食下話？要知道平時出街食羊腩煲一個閒閒地兩舊水無走雞！呢度啲羊腩都燜得幾淋，同埋都好入味，我

最近有少少凉意,即刻想起打邊爐,要揾間任食、無限時、食物質素好的打邊爐地方都不容易,但又比我揾到醉翁亭Wor~~近太子地鐡,位置方便,當然要來試試!仲有小食任拎,酸辣鳳爪味道不錯。 選了鴛鴦湯底，一邊是沙嗲惹味，另一邊是芫茜,個人比較喜歡芫茜味,好香又吾油。湯底沒有大驚喜,普普通通。但原來打邊爐有野送,即刻开心晒~送一份刺身、燕窩、海鮮盆、牛頸隻、巨型鮮蝦水餃,份量按人數計算。刺身新鮮,三文魚厚切又肥美~ 啖啖一絲絲燕窩,落足料加,鮮味十足! 海鮮盆有海蝦，青口，蜆、魷魚等,海蝦好鮮甜、爽口彈牙,其它海鮮也正常,但蜆有少少沙。 如果講最正一定系牛頸隻，雪花分佈都幾靚，口感嫩滑、牛味甚濃，令人回味! 其實食完送的食物已經飽飽地,可能我食量大不如前。 任食的食物種類算多,不想浪費食物所以叫了小部份試試,魚皮餃、午餐肉、鵝腸、魚腐。魚皮餃正常不會太油,午餐肉厚切,夠誠意。魚腐口感鬆軟,鵝腸必食,好爽又夠肥美。 四寶丸味道不錯,口感彈牙,牛丸带少少陳皮味,但牛味不明顯。