醉胡爐 (已搬遷) 新店位置

今次👧🏻同屋企人就去咗尖沙咀打邊爐，醉胡爐都算係幾新派嘅火鍋店，裝修幾舒服仲要間咗好多間房仔，想要啲私人空間食野/聚餐，打邊爐飲下酒嘅朋友仔就岩曬！閒日6點到入座，得返一枱Walk in Quota，奉勸想嚟嘅朋友仔記住要先Book枱！🌟招牌鮮椰青雞鍋上枱時銅鍋內放滿生嘅雞件、椰子片🥥，先用牛油煎封雞件🐔，表面煎至略熟後加入少量酒再點火🔥，火熄滅後便加入新鮮椰青水同雞湯。煮滾後店員叫我地先飲湯，飲夠先再加豬骨湯打邊爐。湯底清香鮮甜，雞味濃郁。可能係有用火燒過椰子肉，所以湯底有椰子肉獨特香味，聞落有啲似臘肉🤣。🌟手切頂級安格斯肥牛今次就叫左份細嘅肥牛，可能真係太好味，覺得唔夠食🤤！肥牛用上牛肩頸部位，肉味同脂肪都突出，可能脂肪比例唔算少，質感係極軟綿。🌟丸類拼盤叫咗拼盤就可以咩款式都試下！丸類拼盤內有：黑松露墨魚丸、蟹籽蝦丸、手打墨魚丸、梅菜豬肉丸同手打香茜炸菜牛丸。5款丸類都係超彈牙，梅菜豬肉丸幾有新意，有淡淡梅菜咸甜味，而👧🏻就比較鍾意海鮮丸類！🌟餃子拼盤拼盤內有：黑松露蟹肉餃、XO鮑魚蝦肉餃、手工雲呑、自家製韭菜餃同香荽豬肉餃。全部個皮都係又薄又滑！當中最有特色就緊係黑松露蟹肉餃🍄