影片
更多
2021-12-18
31 瀏覽
🍴唐揚魷魚鬚配芥末紫菜 HK$88炸得鬆脆，放滿紫菜、木魚碎，不失為一道可口嘅和風佐酒小食。🍴月見雞肉串燒拼盤 HK$118雞皮燒至微脆，滲出油香，雞胸應該經過慢煮再燒，厚肉唔乾柴，頗為腍滑，雞軟骨拍埋去相對平凡。🍴冬蔭功海蝦魷魚鮮蜆扁意粉 HK$248愈來愈多餐廳有冬蔭功意粉，但大多虛有其表，只得輕微酸辣，到喉唔到肺，而呢度嘅冬蔭功醬汁調配得幾出色，夠酸又夠辣，加上適量椰奶襯托，香滑得嚟唔會蓋過酸辣味，扁意粉煮得al dente，海鮮亦好新鮮，蝦肉爽，魷魚彈牙，蜆肉大隻鮮甜，富海水味。🍴My Cup of Tea HK$168店主將茶道融入雞尾酒，創出呢杯一冷一熱嘅招牌飲品。先飲熱酒，以自製日本綠茶氈酒為基底，酒香同茶味喺口內不停交織，以Campari回甘作結，味道非常豐富複雜，再飲一啖凍酒，由接骨木花酒、乳酪、蘋果汁調製，味道較簡單清爽，專為襯托熱酒而設。🍴Jumanji HK$148打開木枡，隨即飄出沉實嘅橡木煙，選用日本白州威士忌，加入檸檬汁、青瓜汁、青瓜糖漿，酒味清新，入口果香鮮明，餘韻較短。📍微醺中環士丹頓街11號Shama Soho地舖
🍴唐揚魷魚鬚配芥末紫菜 HK$88
炸得鬆脆，放滿紫菜、木魚碎，不失為一道可口嘅和風佐酒小食。
🍴月見雞肉串燒拼盤 HK$118
雞皮燒至微脆，滲出油香，雞胸應該經過慢煮再燒，厚肉唔乾柴，頗為腍滑，雞軟骨拍埋去相對平凡。
🍴冬蔭功海蝦魷魚鮮蜆扁意粉 HK$248
愈來愈多餐廳有冬蔭功意粉，但大多虛有其表，只得輕微酸辣，到喉唔到肺，而呢度嘅冬蔭功醬汁調配得幾出色，夠酸又夠辣，加上適量椰奶襯托，香滑得嚟唔會蓋過酸辣味，扁意粉煮得al dente，海鮮亦好新鮮，蝦肉爽，魷魚彈牙，蜆肉大隻鮮甜，富海水味。
🍴My Cup of Tea HK$168
店主將茶道融入雞尾酒，創出呢杯一冷一熱嘅招牌飲品。先飲熱酒，以自製日本綠茶氈酒為基底，酒香同茶味喺口內不停交織，以Campari回甘作結，味道非常豐富複雜，再飲一啖凍酒，由接骨木花酒、乳酪、蘋果汁調製，味道較簡單清爽，專為襯托熱酒而設。
🍴Jumanji HK$148
打開木枡，隨即飄出沉實嘅橡木煙，選用日本白州威士忌，加入檸檬汁、青瓜汁、青瓜糖漿，酒味清新，入口果香鮮明，餘韻較短。
📍微醺
中環士丹頓街11號Shama Soho地舖
張貼
