影片
更多
2019-04-25
454 瀏覽
呢日一行二人嚟左呢間位於元朗鳳攸南街嘅《爽爽麵店》食晏。除咗醉雞外，呢度仲有豬扒、水餃、雲吞、魚片、牛丸……等等，不過聽講，呢度係食醉雞，所以今次就試左醉雞先。醉雞有分冰鮮雞同新鮮雞兩種，價錢當然亦有分別。醉雞河粉 ($35/冰鮮雞) - 一落單好快就上枱，河粉同醉雞分別各用外賣盒裝住。今次都幾好彩，送上嚟嘅竟然係雞髀，仲有兩三片雞腎。食落因為係冰鮮雞，當然就唔會好有雞味，不過雞皮爽口，雞肉都幾嫩滑，可惜個醉雞汁好鹹，而且唔夠酒香味，所以啲雞肉食落酒香味淡。醉雞米 ($35/冰鮮雞) - 朋友嘅醉雞米就係雞胸部位，雞皮都爽口，不過雞肉就唔算嫩滑，口感一般般啦，同樣亦係唔夠酒香。呢餐雖然價錢唔貴，不過醉雞唔夠醉，所以大為失色，有點名過其實；而且堂食都用即棄膠碗，好唔環保，希望餐廳可以改善啦！
除咗醉雞外，呢度仲有豬扒、水餃、雲吞、魚片、牛丸……等等，不過聽講，呢度係食醉雞，所以今次就試左醉雞先。醉雞有分冰鮮雞同新鮮雞兩種，價錢當然亦有分別。
醉雞河粉 ($35/冰鮮雞) - 一落單好快就上枱，河粉同醉雞分別各用外賣盒裝住。今次都幾好彩，送上嚟嘅竟然係雞髀，仲有兩三片雞腎。食落因為係冰鮮雞，當然就唔會好有雞味，不過雞皮爽口，雞肉都幾嫩滑，可惜個醉雞汁好鹹，而且唔夠酒香味，所以啲雞肉食落酒香味淡。
醉雞米 ($35/冰鮮雞) - 朋友嘅醉雞米就係雞胸部位，雞皮都爽口，不過雞肉就唔算嫩滑，口感一般般啦，同樣亦係唔夠酒香。
呢餐雖然價錢唔貴，不過醉雞唔夠醉，所以大為失色，有點名過其實；而且堂食都用即棄膠碗，好唔環保，希望餐廳可以改善啦！
張貼
