黑麥 (已結業)

星期五晚飯時間,我經過銅鑼灣加寧街的pumpernickle見到有好多人排隊心念應該會好好味!當晚人山人海我等左約15分鐘就有位了,裡面地方好細不過環境幾舒服!我同朋友每人叫左一個粉仔餐,飲完湯約25分鍾個粉仔都仲未到,我個朋友等到有d唔耐煩,但見到待應們都咁忙,就唔好意思吹佢地!其中有一個肥肥地既四眼仔好醒目,見到我地個粉仲未到就幫我地睇一睇咩事,過左5分鐘左右我地既粉終於有了,當我想問四眼仔要二隻碟既時候,佢好似早就估到我地需要二隻碟而佢就一早已經拎定,態度幾有善仲幾有誠意,個粉仔味道非常之好食,食完仲想繼續食不過已經好飽了,要等碡一次再去先至得!