影片
更多
2021-10-02
196 瀏覽
今日超級眼瞓，中午冇食飯諗住飲杯咖啡醒神下，途經APM見到呢間新開咖啡店所以諗住試下 (呢間咖啡店開喺公開嘅公眾位置，好多人都唔知啲枱櫈係呢間咖啡店)，我見好多人排隊所以搵個位坐住等冇咁多人先去買，擔心買完冇位坐。坐咗一陣，有位戴著眼鏡的年輕店員過嚟有禮貌咁逐枱請冇買飲品嘅人離開，讓返張枱俾買咗飲品嘅客人，真係讚呢位店員有禮貌的，佢嘅應對同語氣令人舒服兼唔會得失任何人，因為好多公公婆婆都唔知要買咗飲品先坐得。當佢行到嚟我度，俾餐牌我而又介紹咖啡同咖啡豆嘅分別俾我知，我好好奇又大鄉里，好似第一次飲咖啡咁好多問題 (實質我有超過10年飲咖啡經驗 😝，只係平時冇咁多選擇)，佢都一一有耐性咁解答，真係抵讚！最抵讚係佢明白我擔心排隊買完咖啡冇位坐，居然肯幫我排隊，咁當然好窩心啦，不過又唔可以要人哋咁幫我同驚連累佢俾公司鬧，最後我見好多位我就話自己買得喇！呢一刻好想寫封嘉許信俾佢公司表揚佢嘅禮貌，應對同對咖啡豆嘅專業知識。入正題，平時飲開其他咖啡店嘅朱古力咖啡，呢杯朱古力味唔會太濃，比較適合我。同埋，呢度有兩款咖啡豆可以選擇，好彩四眼哥哥耐心解答，到櫃枱時選了隻果味冇咁重嘅咖啡豆。以後飲咖啡又多一
坐咗一陣，有位戴著眼鏡的年輕店員過嚟有禮貌咁逐枱請冇買飲品嘅人離開，讓返張枱俾買咗飲品嘅客人，真係讚呢位店員有禮貌的，佢嘅應對同語氣令人舒服兼唔會得失任何人，因為好多公公婆婆都唔知要買咗飲品先坐得。當佢行到嚟我度，俾餐牌我而又介紹咖啡同咖啡豆嘅分別俾我知，我好好奇又大鄉里，好似第一次飲咖啡咁好多問題 (實質我有超過10年飲咖啡經驗 😝，只係平時冇咁多選擇)，佢都一一有耐性咁解答，真係抵讚！最抵讚係佢明白我擔心排隊買完咖啡冇位坐，居然肯幫我排隊，咁當然好窩心啦，不過又唔可以要人哋咁幫我同驚連累佢俾公司鬧，最後我見好多位我就話自己買得喇！
呢一刻好想寫封嘉許信俾佢公司表揚佢嘅禮貌，應對同對咖啡豆嘅專業知識。
入正題，平時飲開其他咖啡店嘅朱古力咖啡，呢杯朱古力味唔會太濃，比較適合我。同埋，呢度有兩款咖啡豆可以選擇，好彩四眼哥哥耐心解答，到櫃枱時選了隻果味冇咁重嘅咖啡豆。
以後飲咖啡又多一個選擇！
張貼
