檀島咖啡餅店 (軒尼詩道)

營業中

休息中

每日食麥皮同麵包做早餐，真係幾厭，所以有時早起身，都會去食下茶餐廳。而我嘅至愛當然係灣仔檀島喇。通常都係食通粉餐，味道冇咩特別，但食慣咗就好有街坊味道，最鍾意係個餐包，上枱個包仲係熱嘅，塗上牛油然後溶化，好食，好過一般茶餐廳凍餐包渣唔到牛油。而且佢沖嘅茶都俾一般茶餐廳嘅濃，除咗奶茶咖啡好飲，其他如華田同好立克都沖得好夠味。通粉餐$26，比一般茶餐廳都貴$3-4，但我仍會繼續支持嘅！