痴心小麵 (已結業)

去開深水埗買整電腦既零件，所以就順個便去個頭食少少先返屋企，行行下見到呢間餐廳好似幾乾淨咁，於是就入左去，坐落就叫左好幾樣野先來有呢度既招牌小食牙籤雞！表面脆口而且香噴噴，一口嘅size食落好方便，雞肉嫩滑多肉汁如果唔想淨係食菜咁悶，可以好似我咁叫呢個肉燥時令油菜，好味之餘感覺上又健康啲另外仲叫左碗豬軟骨湯麵，上面除咗有花生粒，仲有適量嘅蔥花同芫荽，令碗麵更加香，麵唔會煮得太淋，啱啱好朋友B就叫了碗鹵蛋豬軟骨肉燥時菜湯麵，係比較健康嘅一碗麵，麵質都係剛好，豬軟骨都好入味~集甜品同飯品於一身既羅賓，其實係利賓立加雪糕，一杯就滿足晒兩個願望，食到熱辣辣個陣可以飲呢杯透心涼嘅飲品，真係爽爆而朋友就叫左熱菜蜜，係一個健康啲嘅選擇，同唔會太甜，OK呀！