聚寶堂

營業中

休息中

之前出咗去藍田做嘢，收工嘅時候極之肚餓，就問客人附近有咩好食？佢介紹咗我上匯景廣場搵食，我咁大個仔都係第一次去呢個商場。。。入面有好多小食嘅舖頭，同埋台式飲品嘅專門店，最後我上咗五樓見到一間食肆寫住自己叫做喇沙專門店，好似好吸引，咁就坐低咗，但係一睇餐牌原來佢有唔同國家嘅美食，包括台式肉燥飯同埋日式烏冬等等。因為太肚餓，最後揀咗個台式雞髀肉燥飯再加杯珍珠奶茶。肉燥飯入面嘅肉燥味道一般，冇乜驚喜，但係肉燥都比較有咬口，唔會切到太碎，至於雞肶可能浸咗喺鹵水汁入面太耐，唔係好夠熱。不過四十幾蚊嘅價錢攞嚟醫肚，都可以接受嘅。