影片
更多
2014-04-20
891 瀏覽
身為馬灣街坊，呢間係我經常去的飯堂之一。所謂飯堂，要求的並不是「了能」、特色、驚喜，而係 highly predicable 的食物品質同服務水準，與及可負擔的價格。首要︰起菜時間合理。只要你入去，係點佢餐牌上的是日精選套餐，由你點餐起計，5分鐘內一定上到湯或者餐茶，10-15分鐘內一定有得食，不論公假定平日，等候時間不變。不會因為 full house 而要呆等千年。第二︰食物水準穩定。食咗 6 年，水準保持一貫，我的至愛豆付肉碎飯，永遠都係一樣的味道、豆付同肉碎的比例、肉汁的咸度、濃度永遠一致。其他諸如台式卥肉飯、拉面……都係永無失手，真係唔容易。第三︰侍應極專業。呢度店面細細，只要你舉手，侍應一定會行埋黎問你要乜，唔會扮見唔到。有時見到你等咗超過15分鐘，張枱仲係無野，會主動問你叫咗咩。有小朋友的，亦會拎定碗仔俾你。繁忙時間會有派籌輪候安排、亦有搭枱安排，但會先問客人是否願意搭枱；亦會有禮貌地問就黎食完的客人仲有無需要、如果無可否埋單俾出面等緊的人食。亦會按你所點的餐，預先提供適當的餐具（如叫拉面會俾筷子、叫扒會擺扒刀，唔係等到上菜先至搵出黎）。有時落錯單，要再整過，都係等多5-
所謂飯堂，要求的並不是「了能」、特色、驚喜，而係 highly predicable 的食物品質同服務水準，與及可負擔的價格。
首要︰起菜時間合理。
只要你入去，係點佢餐牌上的是日精選套餐，由你點餐起計，5分鐘內一定上到湯或者餐茶，10-15分鐘內一定有得食，不論公假定平日，等候時間不變。不會因為 full house 而要呆等千年。
第二︰食物水準穩定。
食咗 6 年，水準保持一貫，我的至愛豆付肉碎飯，永遠都係一樣的味道、豆付同肉碎的比例、肉汁的咸度、濃度永遠一致。其他諸如台式卥肉飯、拉面……都係永無失手，真係唔容易。
第三︰侍應極專業。
呢度店面細細，只要你舉手，侍應一定會行埋黎問你要乜，唔會扮見唔到。有時見到你等咗超過15分鐘，張枱仲係無野，會主動問你叫咗咩。有小朋友的，亦會拎定碗仔俾你。
繁忙時間會有派籌輪候安排、亦有搭枱安排，但會先問客人是否願意搭枱；亦會有禮貌地問就黎食完的客人仲有無需要、如果無可否埋單俾出面等緊的人食。
亦會按你所點的餐，預先提供適當的餐具（如叫拉面會俾筷子、叫扒會擺扒刀，唔係等到上菜先至搵出黎）。
有時落錯單，要再整過，都係等多5-10分鐘，唔會令人勞氣、更唔會哦啲客或者企咗晌度左諗右諗（好怕啲侍應落咗單，而你話佢知錯咗，佢都仲要再問多你一次︰乜你唔係叫咗乜乜乜咩？）。
第四︰分量足
我係大飯人，極餓時必定幫襯，永無令我失望。而我亦見到好多藍領工友經常黎食。
結論︰係一間可靠的街坊飯堂，信心之選。
題外話/補充資料：
餐飲送的「乜乜紅茶」「物物綠茶」係幾甜吓的，唔鐘意甜的，可以叫佢少甜。
(以上食評乃用戶個人意見 , 並不代表OpenRice之觀點。)
張貼