越大哥 (中興新街) (已結業)

咁啱今日要入長洲教班，教完班之後好肚餓，好想俾大量食物填飽個胃🙈所以就入咗依間越南餐廳，有飯有粉有麵有包，啱哂我！肚餓最啱就食碟頭飯，叫咗個💁🏻‍♂️豬扒拼雞翼飯，食肉獸最開心🙊香茅豬扒非常之腍，香茅雞翼有炸過，雞皮位好脆，入面都醃得幾入味👍🏻個飯仲有一隻煎蛋，加埋飯上面嘅蔥油食好好送飯🙆🏼‍♂️食完碟飯個胃仲有位，叫多個💁🏻‍♂️越式豬扒法包，本身都驚食唔食，但好好食所以輕鬆食哂🙈法包烘得脆身，豬扒都係咁腍咁入味，包入面有啲醃蘿蔔絲、洋蔥同青瓜，食落好清新🙆🏼‍♂️食完碟飯加個法包，真係飽得好滿足👍🏻下次嚟長洲教班都要再嚟食，試吓其他越式小食同湯粉麵先得🙆🏼‍♂️