麥當勞

營業中

休息中

每次麥當勞有新野出我都會試一試(雖然唔好食的比率大過好食好多陪)前排見軟硬買廣告有新野出咗，今日需要係仲傷風緊，但係診魚媽媽唔係香港，無人煮飯就買新野嚟試下啦。板燒烤汁豬柳飽：需然明知廣告同真實係會出入，但係都唔好差咁遠呀，我一打開個包裝紙，只見d醬汁啡啡地色接近黑色，攪到塊豬柳完全見唔到"金黃色"呢樣野，食落下d醬汁味道有點怪，不至於話難食，不過又唔係好好食，入面仲夾住小小洋蔥條，應該係熟的，但係比黑色的醬汁攪到成個飽好怪囉~忌廉磨菇粟米湯：唔夠熱，唔夠cream亦無乜味道(但都已經好過之前出個隻龍蝦湯)。脆薯王：一d都唔脆，雖然係外賣回家吃，但由麥當勞到我屋企都唔洗5分鐘路程，應該唔會因為咁而唔脆，不過都仲叫做熱熱地，而且唔油淋淋，尚叫做ok~連汽水加理HKD32.30，唔係貴又唔係平(而家食麥記都唔係平宜的一件事啦)，而質素只能叫尚可接受，下次都係叫番普通的飽(豬柳蛋OR BIGMAC)嚟食好過。