影片
更多
2022-08-26
138 瀏覽
勁鮮甜醬油蟹😍😍呢間韓國餐廳真係要特別介紹，因為我都係第一次食醬油蟹，以前唔敢想像生嘅蟹係咩味，但係朋友話試完就返唔到轉頭，真係好好好好味呀。醬油拼盤，$780朋友話要試就一次過試晒幾款啦，就算真係唔鍾意食，佢一個人都可以食到兩隻蟹。點知一食就愛上佢。蟹加咗糖去醃嘅，所以唔會好鹹，反而更鮮甜，蟹肉好滑，啲膏多到爆晒出嚟，一大啖食真係勁香。佢仲配埋兩大舊紫菜飯，放係蟹蓋上撈啲膏嚟食，真係好惹味。除咗蟹，仲有4隻鮑魚同6隻蝦，蝦都係生嘅醃嘅，同樣好滑好鮮甜。而鮑魚我就唔知係生定熟醃嘅，因為口感係似熟鮑魚咁實淨彈牙嘅，而且都幾入味，啖啖肉啖啖滋味。蒸蛋，$75職員話韓國人好鍾意嘅一道菜，不妨一試，我哋以為好似日本蒸蛋咁細細碗，點知一大碗，好實在，滿滿嘅蛋白質，蒸蛋冇落太多嘢蒸，主要食到好香嘅蛋香味。韓牛--封柳門，$280因為想食啲特別啲嘅肉，職員話必試韓牛。我就揀咗偏瘦嘅封門柳，因為唔係度度食到韓牛，所以都真係要試。估唔到咁瘦嘅牛肉質都可以咁嫩，兩邊燒十零秒食口感最好，仲有肉汁係嘴入面，真係好正。醃製豬肋肉，$138朋友唔食牛，所以點多啲豬俾佢食啦，佢勁鍾意食個豬扒，醃過嚟嘅，好嫩好入味，
醬油拼盤，$780
朋友話要試就一次過試晒幾款啦，就算真係唔鍾意食，佢一個人都可以食到兩隻蟹。點知一食就愛上佢。蟹加咗糖去醃嘅，所以唔會好鹹，反而更鮮甜，蟹肉好滑，啲膏多到爆晒出嚟，一大啖食真係勁香。佢仲配埋兩大舊紫菜飯，放係蟹蓋上撈啲膏嚟食，真係好惹味。
除咗蟹，仲有4隻鮑魚同6隻蝦，蝦都係生嘅醃嘅，同樣好滑好鮮甜。而鮑魚我就唔知係生定熟醃嘅，因為口感係似熟鮑魚咁實淨彈牙嘅，而且都幾入味，啖啖肉啖啖滋味。
蒸蛋，$75
職員話韓國人好鍾意嘅一道菜，不妨一試，我哋以為好似日本蒸蛋咁細細碗，點知一大碗，好實在，滿滿嘅蛋白質，蒸蛋冇落太多嘢蒸，主要食到好香嘅蛋香味。
韓牛--封柳門，$280
因為想食啲特別啲嘅肉，職員話必試韓牛。我就揀咗偏瘦嘅封門柳，因為唔係度度食到韓牛，所以都真係要試。估唔到咁瘦嘅牛肉質都可以咁嫩，兩邊燒十零秒食口感最好，仲有肉汁係嘴入面，真係好正。
醃製豬肋肉，$138
朋友唔食牛，所以點多啲豬俾佢食啦，佢勁鍾意食個豬扒，醃過嚟嘅，好嫩好入味，佢食到停唔到口，兩塊大大塊嘅豬扒好快俾我哋ko咗。
豬頸肉，$118
因為前面嘅嘢食得太飽，呢個咁大份嘅豬頸肉最後都剩幾塊食唔落，佢太實在啦，啖啖都係肉，肉質爽口彈牙，外層帶點脂肪，不過完全唔油膩。
朋友話咁啱有韓國朋友係香港，遲啲可以帶埋佢哋嚟食，佢哋一定會鍾意☺️既然去唔到旅行，就留係香港食多啲唔同國家嘅菜安撫下我寂寞嘅心靈啦🤣
張貼
