韓珍 (帝國中心) (已結業)

👫上年已經食過一次，相隔一年再嚟質素一樣好。佢哋會贈送生菜同埋六款前菜。仲有熱辣辣嘅蛋餅。🦀醬油蟹 $250蟹膏味道濃厚，蟹肉一啲都唔腥，經過醬油醃製更顯得香甜。餐廳附送嘅牛油飯鋪滿大量紫菜、芝麻、生蛋非常惹味，加埋蟹膏味道更豐富。🦑魷魚 $128大大條魷魚好新鮮。彈牙而且鮮甜，唔需要任何醬汁已經好好味。🍗醬油雞肉 $110雞腿肉嫩滑多汁，雞皮燒得勁香。醬油醃料味道甘甜美味。🥩調味烤裏脊 $230肉質軟腍無筋，肉味香濃。最啱用生菜包起食。