影片
更多
2012-12-03
105 瀏覽
呢排因為趕Christmas既工作，晚晚OT到成10點鐘，呢個鐘數平時已經冇咩野好食架喇，琴晚我同同事May去左公司附近既2+2cafe 食左宵夜buffet，當獎勵下自己。雖然琴晚比較凍同埋落雨，但都不乏捧場客，去到都要等位，佢要10點先可以入去，我個肚已經打緊鼓喇，如果佢可以俾我早d食就好喇。入到去梗係急不及待睇下有d咩野食啦，今期做緊蛇宴wor，good，岩哂天氣凍可以暖胃。我首先去拎左蛇羹，個服務員態度好好，我同佢講話要一碗，佢就即刻俾我，又同我傾下計，話冬天最岩食蛇，仲教我落d蔥落去會香d，仲話好滋補既，搞到我同阿May都每人食左2碗，佢既味道唔算好濃，反而我地鍾意清淡d既蛇羹。除左蛇宴之外，原來仲可以打邊爐，我入左去冇幾耐有個侍應問我地要咩湯底，有冬陰公同清湯，我地揀左個清湯，因為我唔食得辣。每枱一個。出去睇下有d咩配料先，有好多海鮮同菜可以選擇，我地樣樣拎d，有青口、海蝦、魷魚、蟹腳呀咁，都好新鮮。但打打下邊爐發覺個鍋好慢，等左好耐d野都未滾，叫左侍應換個鍋俾我地，佢都好快咁換左。我見有好多人係度等生蠔，因為原來生蠔係任食既，我本身就唔係好食生野既，但阿May食完就話好厚
雖然琴晚比較凍同埋落雨，但都不乏捧場客，去到都要等位，佢要10點先可以入去，我個肚已經打緊鼓喇，如果佢可以俾我早d食就好喇。
入到去梗係急不及待睇下有d咩野食啦，今期做緊蛇宴wor，good，岩哂天氣凍可以暖胃。我首先去拎左蛇羹，個服務員態度好好，我同佢講話要一碗，佢就即刻俾我，又同我傾下計，話冬天最岩食蛇，仲教我落d蔥落去會香d，仲話好滋補既，搞到我同阿May都每人食左2碗，佢既味道唔算好濃，反而我地鍾意清淡d既蛇羹。
除左蛇宴之外，原來仲可以打邊爐，我入左去冇幾耐有個侍應問我地要咩湯底，有冬陰公同清湯，我地揀左個清湯，因為我唔食得辣。每枱一個。出去睇下有d咩配料先，有好多海鮮同菜可以選擇，我地樣樣拎d，有青口、海蝦、魷魚、蟹腳呀咁，都好新鮮。但打打下邊爐發覺個鍋好慢，等左好耐d野都未滾，叫左侍應換個鍋俾我地，佢都好快咁換左。
我見有好多人係度等生蠔，因為原來生蠔係任食既，我本身就唔係好食生野既，但阿May食完就話好厚身有鮮味，佢出去拎左幾轉，真係好抵，佢話食幾隻都抵返哂。而我就拎熱盤，七彩秋菊炒蛇絲，五顏六色好吸引。用黎送蛇粥味道岩岩好，蛇粥本身好入味，而蛇絲都幾健康清淡。
最後食埋甜品，有好多選擇。
我鍾意朱古力fontains，必食之選。每次拎d棉花糖去點朱古力既時候都好開心，另外拎左芒果撻，好甜好好味，而且上面莆左Cream，軟硬口感同時feel到，正~~另外仲有Pappagallo 同Häagen-Dazs雪糕無限供應，食完真係好飽好飽，感覺好滿足，所有工作既野都即刻忘記哂喇。
張貼
